ඉතාලි රජයට අමතක නොවන පාඩමක් කියා දුන් සේපාල ඒකනායක.

මෙය අපූරු කතාවක්  තමන්ගේ දරුවා වෙනුවෙන් කල නොහැකි දෙයක් නැ කියල එදා  ඔප්පු කරපු පියෙකුගේ අනුවේදනීය කතාවක් ඔහු නමින් "  සේපාල  ඒකනායක

1982 ජූනි මාසේ 30 වෙනිදා ඉතාලියේ "අලිතාලියා" ගුවන් සේවයට අයත් ගුවන් යානයක් ශ්‍රිලාංකික තරුණයකු විසින් ගුවනේ දී තම අනසකට හසු කර ගත්තා. ඒ සමගින් ඔහු ඉතාලි රජයට කිසිදා අමතක නොවන පාඩමක් උගන් වමින් ලොව පුරා ප්‍රසිද්ධ වුනා. මෙවැනි සිදුවීමක් ශ්‍රී ලංකා ගුවන් ඉතිහාසයේ සිදුවූ පළමු අවස්ථාව මෙය වන අතර අද වන තෙක් එවැනි තවත් සිදුවීමක් ශ්‍රී ලංකා ඉතිහාසයට එකතු වී නැහැ. මෙය ගුවන් යානයක් ගුවනේදී පහැර ගැනීමක් වශයෙන් ප්‍රසිද්ධියට පත් වුවද එයට තුඩු දුන් "පිය සෙනෙහස " ගැබ්වූ ඒ සංවේදනීය කතාව ලොව පුරා ප්‍රසිද්ධ නොවුයේ එදා සන්නිවේදනය, ජනමාධ්‍ය මෙන්ම අන්තර්ජාලීය පහසුකම්ද අද මෙන් දියුනු තත්වයක නොතිබූ නිසාමය.. අද දිනය ( ජූනි 30) සම්බන්ධයෙන් මේ ලිපිය මා ඔබ වෙත ඉදිරිපත් කරනුයේ ඉතාලියේ ජීවත වන ලාංකීකයකු මෙන්ම මෙම සිද්ධියට සම්භන්ධ ශ්‍රී ලංකිකයා සැබවින්ම වීරයෙක් යැයි මා සිතෙහි ඇති සිතුවිල්ල නැවත සිහිපත් කරමිනි.

මොහු නමින් සේපාල ඒකනායක විය.. 1949 ජූනි මාසේ 03 වෙනි දා මාතර කරතොට උපත ලැබූ ඔහු හම්බන්තොට යෝධ කණ්ඩිය විද්‍යාලයෙන් මූලික අධ්‍යාපනය ලැබීය. අවුරුදු 15 දි පමන කොළඹට පැමිණෙන මොහුට 1972 වසරේදී බටහිර ජර්මනිය වෙත යාමට අවස්ථාව උදාවිය. ජර්මනියේ වසර කිහිපයක් ගත කල ජීවිතයෙන් පසු ඔහු ඉතාලියේ මොදෙනා නගරය වෙත පැමිනියා. එහි ගත කල කාලය තුලදි, 1977 වසරේදි සිය මිතුරකුගේ නිවසක පැවති සාදයකදී ඔහුට රූමත් ඉතාලි තරුණියක් මුන ගැහුනා. ඇය නමින් ආනා අල්ද්‍රොවාන්දි. ඉන්පසුව පෙමින් වෙලුන මෙම දෙපල 1978 දෙසැම්බර් මාසයේදි මෝදෙනා නගරයේ කස්තෙල්ෆරන්කෝ නගර සභාවේදි විවාහ විය. 1979 වසරේදි මොවුනට පුතකු ලබුනා. මේ උපන් පුතුට මොවුන් නම තැබුවේ ෆ්‍රී ( නිදහස්) ඒකනායක යනුවෙනි...

කලක් යාමේදී එකිනෙකට වෙනස්වූ සංස්කෘතීන් දෙකක හැඩුන වැඩුන මෙම යුවලගේ වෙනස්වූ අදහස් හා සිතුවිලි තම පවුල් ජීවිතයට බාධා පැමිණවිමට පටන් ගත්තා. තවත් පැත්තකින් සේපාලට ඉතාලියේ රැදී සිටීමේ බලපත්‍ර හා වීසා සම්බන්ධව ගැටලු රාශියකට මුහුන දීමට ඔහුට සිදු වුනා. එවකට තිබූ ආගමන විගමන නීතියන්ට අනුව ඔහුට නීත්‍යානුකූලව රැදී සිටීමේ බලපත්‍රය ලබා ගනීමට නම් නැවත සිය මව් බිමට යාමට සිදු වන බවත් එසේ යාමෙදි වසර හයක කාලයක් තම රටේ රැදී සිටීමට සිදුවන බවත් අදාල ආයතන ඔහුට දන්වා සිටියා.

තම සිගිති පුතනුවන්ගෙන් වෙන් වී වසර හයක කාලයක් තමාට ජීවත් විය නොහැකි බව ඉතාලියේ ආගමන විගමන පොලිසිය වෙත මොහු විටින් විට ගොස් බැගෑපත්ව කියා සිටියද මොහුගේ පිය සෙනෙහසට කරුණාවක් දක්වනවා වෙනුවට ඔවුන් මොහුට සමච්චල් කිරීමට තරම් අමානුශික විය. එතැන් පටන් සේපාලට සිදු වූයේ හොදින් හෝ නරකින් තම බිරිද සහ සිගිති පුතුන් තමන් හට ලබා ගැනීමට විසදුම් සෙවීමටයි. මේ වෙනුවෙන් දිනපතාම මොහු මෝදනා මුහුදු වෙරළට ගොස් කලපනා කිරීමට පටන් ගත්තේය..

අවසානයේ සේපාල තීරනයකට පැමිනියා... තමා ගත් තීරනය ක්‍රියාත්මක කිරීමේ අදහස ඇතිව බිරිදගෙන් හා දරුවාගෙන් වෙන්වී මොහු මව්බිම වෙත පැමිනියා. ඉන්පසුව තමගේ සැලසුම ක්‍රියාත්මක කිරීමේ ගමන මොහු අරබන්නේ 1982 ජූනි 15 වෙනිදායි. ඒ ලංකාවෙන් ඉන්දියාවේ තමිල්නාඩුව හරහා නව දිල්ලි නගරය වෙත යන ගනමයි. දින 10ක් නව දිල්ලි නගරයේ රැදී සිටීමෙන් පසු සියල්ල සූදානම්ව ජූනි 30 වන දින ඉතාලියේ රෝම නගරයේ සිට නව දිල්ලි හා බැංකොක් හරහා ජපානය බලා යන “අලිතාලියා“ ගුවන් සේවයට අයත් බෝයිං 747 වර්ගයේ ගුවන් යානයට මොහු ගොඩවෙන්නේ නව දිල්ලි ගුවන් තොටුපොලෙන්... එම අවස්ථාවේදී යානය තුල රැදී සිටි සියලු මගීන් සංඛ්‍යාව 353 ක් විය. ඒ අතර ඉන්දියාවේ පාර්ලිමේන්තු සාමාජිකයකු වන සම්බාසිව රාඕ සහ ඔස්ට්‍රේලියාවේ නිව් සවුත්වේල්ස් හී මහාමාර්ග අමාත්‍ය පීටර් කොක්ස් යන අය ඇතුලත්වීම විශේෂී තත්වයක් විය. විශේෂ කොට මේ තත්වය නිසාම සිද්ධියෙන් පසුව නව දිල්ලි ගුවන් තොටුපොලේ ආරක්ෂිත තත්වය පිලිබදව මහත් ආන්දෝලනාත්මක තත්වයක් ඇති විය.

ගුවන් යානය ගුවන් ගත වී අඩි 35000 ක් පමණ උසකට පැමිණි පසු සේපාල ගුවන් නියමුවා වෙත ලිඛිතව තම ඉල්ලීම් ඉදිරිපත් කරනු ලැබූවා. පළමු ඉල්ලීම වුණේ ඔහුගේ පුතා සහ බිරිඳ බැංකොක් ගුවන් තොටුපළට ගෙනවිත් දීම. දෙවැන්න වුණේ ඩොලර් 300,000/- මුදලක් වන්දි මුදල් වශයෙන් ලබා දීම.

මීට අමතරව ඔහුගේ ලිපියේ පහත කරුණුත් සඳහන් වුණා.

“මෙම ගුවන් යානය බැංකොක් ගුවන් තොටුපළේ නැවැත්විය යුතුයි. සියළු දොරවල් විවෘත නොකළ යුතුයි. සියළුම ඉල්ලීම් බැංකොක් සහ ඉතාලි බලධාරීන් වෙත වහාම දැනුම් දිය යුතුයි. සියළු සන්නිවේදන කටයුතු ගුවන් විදුලි සන්නිවේදන මාර්ගයෙන් පමණක් විය යුතුයි. දැනට අප සතුව ඉතාලියේ නිෂ්පාදිත නවීන බෝම්බ ඇති අතර යම් හෙයකින් අප මුලා කළ හොත් යානය සියළු මගීන් සමග එම බෝම්බ උපයෝගී කරගෙන පුපුරුවා හරිනු ලබන අතර ඊට සමගාමීව ඉතාලියේ මෝදෙනා නගරයේ සහ වෙනත් නගරයක ද පිපිරීම් සිදු කරනු ඇත.“

සේපාලගේ ලිපිය දුටු විගස ප්‍රධාන නියමු ජෝර්ජෝ අමරෝසා ගුවන් යානය අඩි 25000 දක්වා පහතට ගනු ලැබුවේ සිදුවිය හැකිව තිබූ විනාශය අවම කර ගැනීමේ අරමුනෙනි.

පැය කීපයකට පසුව ඔහු ඉල්ලා සිටි පරිදි ඔහුගේ බිරිඳ සහ දරුවාත් ඉල්ලූ මුදලත් බැංකොක් වෙත ගෙන එන බවට තොරතුරු ලැබුණා. පැය 30 ට පමණ පසු ඔවුන් බැංකොක් වෙත පැමිණියා. ඉන්පසුව සේපාල විසින් මගීන් මුදා හරනු ලැබු අතර ඔහු ගුවන් යානයෙන් පිටතට පැමිණියා.

නමුත් ඉන්පසුව සේපාල මුහුන පෑ ප්‍රධාන ගැටළුව වූයේ තම බිරිදත් දරුවාත් සහ අළුතින් ලැබුණ ධනයත් සමගින් තම නව ජීවිතය ගත කරනුයේ කුමන ස්ථානයේද යන්නයි. මේ අවස්ථාවේ තායිලන්තයේ ශ්‍රී ලංකා තානාපතිනිය වන මානෙල් අබේසේකර මහත්මිය ඔහුට ස්ථිර ලෙස කියා සිටියේ කිසිදු බලපෑමකින් තොරව ඔවුනට ශ්‍රී ලංකාවට යාමට හැකියාව ඇති බවයි. ඒ අනුව මොවුන් තිදෙනා ලංකාවට පැමිණියා. කොළඹ ගුවන්තොටුපොලේදී ඔවුන්ව හරසරින් පිලිගැනීමට රජයේ ප්‍රධාන ඇමතිවරුන් පවා පමිණ සිටියහ. සියලු හර සර මැද ඔවුන් කෙලින්ම ගියේ ගාල්ල තම නිවෙසටයි.

මේ අතර ඉතාලි රජය විසින් ශ්‍රී ලංකා රජයට බලපෑම් කරමින් සේපාලව ඔවුන්ට භාර දෙන ලෙස ඉල්ලා සිටියා. නමුත් පොදු මතය වූයේ එසේ නොකරන ලෙසයි. මෙහිදී ජේ. ආර්. ජයවර්ධන රජය උභතෝකෝටික ප්‍රශ්ණයකට මුහුණ දුන්නා. සේපාල අත් අඩංගුවට ගෙන ඔහුට විරුද්ධව නඩු පැවරීමට අවශ්‍ය නීතිමය ප්‍රතිපාදන එවකට තිබුණේ නැහැ. එම නිසා නව නීති සම්පාදනය කරන්න ශ්‍රී ලංකා රජයට සිදුවුනා. මෙය ලාංකීය ඉතිහාසයේ අතීතයට බලපාන ලෙස සකස් කරන ලද පළමු නීතිය වාර්ථා වේ. පසුව ගාල්ල පොලීසිය විසින් සේපාලව අත් අඩංගුවට ගෙන වැලිකඩ සිරගෙයට ගෙන එනු ලැබූවා. මේ අතර සේපාලගේ බිරිද සහ දරුවා ඉතාලිය වෙත යැවීමට ඉතාලි තානාපති කාර්යාලය කටයුතු කලා.

සේපාලගේ නඩුව නීතිපති වෙනුවෙන් ඉහළ උසාවියේ විනිසුරු නියෝජ්‍ය සොලිසිටර් ජෙනරාල් ජේ. ජේ. එස්. ඒ. ඩයස් උපවංශ යාපා ඉදිරියේ විභාග කරනු ලැබූ අතර සේපාල ඒකනායක වෙනුවෙන් සුප්‍රසිද්ධ නීතිඥ රන්බණ්ඩා සෙනෙවිරත්න පෙනී සිටියා. යානයේ ප්‍රධාන නියමුවා වූ අමරෝසා මහතා ද සාක්ෂි සදහා ශ්‍රී ලංකාවට පැමිණියා. නඩු විභාගය අවසානයේදී සේපාල ඒකනායකට වසර 5 ක සිර දඬුවමක් හිමිවූවා.

මෙම නඩු විභාගය සම්බන්ධව තම අදහස් දක්වමින් එවකට ලංකාවේ සිටි ප්‍රසිද්ධම නීතිඥයකු වන කොල්වින් අර්. ද සිල්වා මහතා කියා සිටියේ සේපල ඒකනායක කිසිදු විලසකින් අප රටේ නීතියට අනුව වැරදි කරුවකු නොවන බවයි..

සිර ගතව සිටින කාලයේ දී ඔහු විසින් නාට්‍ය නිෂ්පාදනය කරනු ලැබූ අතර ඒවා සිරකරුවන් අතර ඉතා ජනප්‍රිය වූවා. කෙසේ වෙතත් 1987 වසරේදී ඔහුව නිදහස් කරනු ලැබූවා.

නිදහස ලැබීමෙන් පසුව ඔහු ලාංකීය නාට්‍ය කලාව තුල හා දේශපාලනය තුල ඉස්මතු වී පෙනුනා. ඔහු විසින් " ඌට සහ තොට" නමින් පොතක්ද එලිදැක්වූවා. පසුව ඔහු ඉංග්‍රීසි ගුරුවරියක් වූ යසංගනී මධුපාලි සමග විවාහ වූ අතර ඔවුන්ට දියණියක් සහ පුතෙක් සිටිනවා.

මාගේ විශ්වාසයට අනුව ඉතාලිය තුල අද පවත්නා ආගමන විගමන නීති රීති මෙලෙස වෙනස් වීමට හා විශේෂයෙන් විදේශිකයින් හට බලපවත්නා නීති මෙතරම් සුබදායි තත්වයකට හැරවීම කෙරහි සේපාල ඒකනායක ඉතාලි රජය තමා ඉදිරියේ දන ගැස්සවීම බොහෝ විට එක් හේතු කාරනාවක් වී ඇති බවයි.

මෙම සිදුවීම ඇතිවීමට බලපෑ ප්‍රධානතම කරුන වූයේ සේපාල ඒකනායක තුල ඇතිවූ දරු සෙනෙහසයි.. එමෙන්ම ඉතාලිය වැනි මානව හිමිකම් රකින හා මනුෂ්ශත්වයට ගරු කරන රටක් මොහුගේ දරු සෙනෙහසට දැක්වූ ප්‍රතිචාරයයි. දරු සෙනෙහස වෙනුවෙන් මෙවන් කැපකිරීමක් කරමින් ඉතාලි රජය තමන් ඉදිරියේ දන ගැස්සවූ ඔහු අපට කියා දුන් පාඩම් බොහෝය. එබැවින් සේපාල ඒකනායක යනු සැබවින්ම වීරයෙකි !!

Area 51 අධි ආරක්ෂිත කලාපය

Area 51 පිළිබඳව කෙටි හැඳින්වීමක් මෙසේය. 51 වන ප්‍රදේශය එක්සත් ජනපද ගුවන් හමුදා කඳවුරක ජනප්‍රිය නමකි. ඒ ප්‍රදේශය පිහිටා තිබෙන්නේ ලාස් වේගාස් සිට සැතපුම් 85 ක් (කි.මී. 135) උතුරින් පිහිටි නෙවාඩා කාන්තාරයේ ග්‍රූම් විල අසල ය. මෙහි ඇතුළත සිදුවන්නේ අතිශයින්ම රහසිගත පරීක්ෂණය. අනතුරු ඇඟවීමේ සංඥා, විද්‍යුත් සෝදිසි කිරීම් සහ සන්නද්ධ ආරක්ෂකයින් විසින් මහජනතාව ඉවත් කිරීම් ද මෙම ප්‍රදේශයේ කරනු ලැබේ. එම ප්‍රදේශයට මේ තරම් ආරක්ෂාවක් දීමට හේතුව කුමක්ද? එය ලොව සිටින විශාල පිරිසකට ගැටලුවකි. 

51 වන ප්‍රදේශය හරහා ගුවනින් හෝ ගොඩබිමින් ගමන් කිරීමද නීති විරෝධීය. කෙසේ නමුත් චන්ද්‍රිකා ඡායාරූපවල දැන් මේ ප්‍රදේශය දැකිය හැකිය. පාදමේ දිග අඩි 12,000 (සැතපුම් 2.3 / කි.මී. 3.7) දක්වා ධාවන පථයක් ද ඇත. මෙහීදී අපට ඇතිවන ගැටලුව නම් මෙවැනි ගමන් පථයක් කුමක් අරමුණු කරගෙන සාදා ඇත්ද? මෙම ප්‍රදේශය තවත් සීමිත හමුදා ප්‍රදේශ දෙකකට යාබදව පිහිටා ඇත. එනම්, 1950 සිට 1990 දක්වා එක්සත් ජනපද න්‍යෂ්ටික අවි අත්හදා බැලූ නෙවාඩා ටෙස්ට් අඩවිය සහ නෙවාඩා ටෙස්ට් හා පුහුණු පරාසයයි. මුළු පරාසයම අක්කර මිලියන 2.9 කට වැඩි භූමි ප්‍රමාණයක් ආවරණය කරයි. එක්සත් ජනපද මිලිටරියට අනුව, එය "පරීක්ෂණ උපක්‍රම සංවර්ධනය කිරීම හා උසස් පුහුණුව ලබා දීම සඳහා නම්‍යශීලී, යථාර්ථවාදී සහ බහුමානීය යුද අවකාශයක්" නියෝජනය කරයි. මෙවැනි ප්‍රදේශයක් ඉදිකර ඇත්තේ ඇයි? එක්සත් ජනපදය සහ සෝවියට් සංගමය අතර සීතල යුද්ධයේදී 51 වන ප්‍රදේශය නිර්මාණය කරන ලද්දේ U-2 සහ SR-71 බ්ලැක්බර්ඩ් ඔත්තු බැලීමේ ගුවන් යානා ඇතුළු ගුවන් යානා සඳහා පරීක්ෂණ සහ සංවර්ධන පහසුකමක් වශයෙනි. එය 1955 දී විවෘත කළද එහි පැවැත්ම නිල වශයෙන් පිළිගෙන ඇත්තේ 2013 අගෝස්තු මාසයේදීය. CIA අනාවරණය කිරීමෙන් මාස හතරකට පසු, ජනාධිපති ඔබාමා 51 වන ප්‍රදේශය ප්‍රසිද්ධියේ සඳහන් කළ පළමු එක්සත් ජනපද ජනාධිපතිවරයා බවට පත්විය. අද එහි කුමක් සිදුවේද? නිල තොරතුරු සීමිත වුවත්, අති නවීන ගුවන් යානා සංවර්ධනය කිරීම සඳහා එක්සත් ජනපද හමුදාව දිගටම 51 වන ප්‍රදේශය භාවිතා කරන බව විශ්වාස කෙරේ. 1,500 ක් පමණ දෙනා එහි සේවය කරනු ඇතැයි විශ්වාස කෙරේ. බොහෝ දෙනෙක් ලාස් වේගාස් සිට ගුවනින් මේ ප්‍රදේශයට ගමන් කරයි. සේවයට පැමිණීමට මෙන්ම අවසන් කල පසු නැවත රැගෙන යාමටද ගුවන් ගමන් යොදාගනී. 51 වන ප්‍රදේශයේ ඉතිහාසය ගැන ලියා ඇති ඇනී ජේකොබ්සන් BBCයට පැවසුවේ ලෝකයේ වඩාත්ම දියුණු ඔත්තු බැලීමේ වැඩසටහන් කිහිපයක් එම ස්ථානයේ ඇති බවයි. "Area 51 යනු පරීක්ෂණ සහ පුහුණු වීම් සඳහා සෑදූ පහසුකමකි. මෙහි පර්යේෂණ කිරීම 1950 දශකයේ U-2 ඔත්තු යානයෙන් ආරම්භ වූ අතර දැන් එය ඩ්‍රෝන යානා වෙත ගමන් කර ඇත" යනුවෙන් ඇය පවසයි. 51 වන ප්‍රදේශයේ පිටසක්වල ජීවීන් සහ පියාඹන පීරිසි තිබේද? 

51 වන ප්‍රදේශය අවට ඇති රහස්‍යභාවය බොහෝ කුමන්ත්‍රණ න්‍යායන්ට ඉවහල් වී තිබේ. එම ප්‍රදේශය පිලිබඳව විවිධ පුද්ගලයන් විවිධ මත පල කරයි. ඒ අතරින්, 1947 දී නිව් මෙක්සිකෝවේ රොස්වෙල් අනතුර සිදු වීමෙන් පසු මෙම ප්‍රදේශයේ පිටසක්වල අභ්‍යවකාශ යානයක් සහ එහි නියමුවන්ගේ සිරුරු ඇති බවට කරන ප්‍රකාශය වඩාත් ප්‍රචලිත ය. එක්සත් ජනපද රජය පවසන්නේ පිටසක්වල ජීවීන් නොමැති බවත් කඩා වැටුණු යානය කාලගුණ බැලූනයක් බවත් ය. මෙම රොස්වෙල් සිද්ධිය පිළිබඳ වැඩි විස්තරයක් සඳහන් කරනවානම්, මෙම සිද්ධිය පිළිබදව ලොවට හෙළි වන්නේ එය සිදුවී වසර ගණනාවකට පසුවයි. ඒ එම අවස්ථාවෙ ඇමරිකා ආරක්ෂක අංශයට සේවය කල අයෙක් කළ ප්‍රකාශයකිනි. ඇමරිකාවෙ රොස්වෙල් ප්‍රාන්තයට දිනක් හදුනා නොගත් පියාසර වස්තුවක් කඩා වැටී ඇත. ආරක්ෂක අංශය එම ස්ථානයට ළං වන විටත් ඒ වස්තුව දැවෙමින් තිබී ඇති අතර පසුව ඔවුන් එම ඉතිරි සුන් බුන් අතරින් සිරුරු 5ක් සොයාගෙන ඇත. ඉන් 4ක් මළ සිරුරු වූ අතර එක් ජීවියෙකුට පණ තිබී ඇත. නමුත් එම ජීවියාගේ දකුණු පාදය දණහිස අසලින් දෙකට වෙන් වී තිබී ඇත. ඔවුන් අඩි 5ත් 6ත් උස ප්‍රමාණයන්ගෙන් යුත් ජීවීන් වූ අතර පසුව ජීවත් වන ජීවියා රැගෙන විද්‍යාගාර වෙත ගොස් විද්‍යාඥ්‍යයන් එම සත්ත්වයා පරීක්ෂාවට භාජනය කර ඇත. එහි වීඩියෝ පටයක්ද අන්තර්ජාලයට එක් කර ඇත. මම මේ පිළිබඳව තවත් වැඩි විස්තර පසුව වෙනත් ලිපියකින් ඔබට ලබා දෙන්නම්. තවත් සමහරු එම area 51 ප්‍රදේශයට ඉහළින් හෝ ආසන්නයේ UFO දුටු බව කියා සිටින අතර සමහරු පවසන්නේ ඔවුන් පිටසක්වල ජීවීන් විසින් පැහැරගෙන ගොස් ඇති බවත්, ඔවුන් නැවත පෘථිවියට පැමිණීමට පෙර පරීක්ෂණ සිදුකල බවත්ය. 1989 දී රොබට් ලාසාර් නම් පුද්ගලයෙක් තමා 51 වන ප්‍රදේශය තුළ පිටසක්වල තාක්‍ෂණය පිළිබඳ වැඩ කර ඇති බව කියා සිටියේය. ඔහු කියා සිටියේ පිටසක්වල ජීවීන්ගේ වෛද්‍ය ඡායාරූප දැක ඇති බවත් රජය UFO පරීක්ෂා කිරීමට මෙම පහසුකම භාවිතා කළ බවත්ය. "1950 තරම් ඈත කාලයකදී CIA සංවිධානය විසින් නෙවාඩා ප්‍රාන්තයට ඉහළින් හඳුනා නොගත් පියාසර වස්තූන් දැකීම සඳහා UFO කාර්යාලයක් සංවර්ධනය කරන ලදී. මිනිසුන් U -2 ඔත්තු යානය පියාසර කරන ආකාරය දුටු විට, ඔවුන් දකින දේ කිසිවෙකු දැන සිටියේ නැත" යනුවෙන් ජේකොබ්සන් මහත්මිය පවසයි. කෙසේ වෙතත් අද වනතුරුත් එම රටේ සාමාන්‍ය ජනතාවවත් එහි කුමක්ද සිදුවන්නේ යන වග තවමත් නොදනී. මෙම 51 වන ප්‍රදේශය අධි ආරක්ෂිත කලාපයක් ලෙස නම් කර ඇති අතර මෙයට ඇතුළු වීමට එම රටේ ජනාධිපතිටවත් අවසරයක් නොමැත.

අධිවේගයේ සමුහ ඝාතනය.

වසර විසි පහක් පමණ පෙර, යුද්ධය ඉතිහාසයේ සිදුවු ඉතාමත් කුරිරු ඝාතන වලින් එකක්.Iraq වල Highway 80 නම් වූ අධිවේගී මාර්ගයේදී සිදුවිය.දිනය February 25–27, 1991 ඉරාකය මෙම විනාශය පසු කලෙක "Highway of Death" ලෙස ප්‍රකට විය.

 

මංතීරු 6කකින් සමන්විත මෙම මාර්ගය Kuwait සිට Iraq දක්වා ගමන් කරනවා, මෙම මාර්ගය බහුල ලෙස යොදා ගැනුනේ ඉරාකයේ යුද හමුදාවේ ප්‍රධාන ප්‍රවාහන මාර්ගයක් විදියට. Gulf යුද්දයේ අමිහිරි මතකයක් ඉරාකය වෙත යොමු කරමින් එකල ඇමරිකාවේ ජනදිපතිව සිටි ජෝර්ජ් H.W බුෂ් (George Herbert Walker Bush) ජනාදිපතිවරයා විසින් කරන ලද අණ කිරීමකට අනුව මේ සමුහ ඝාතනය සිදුවෙනවා. සෝවියට් දේශයේ යෝජනාවකට අනුව සටන් විරාමයකට ගිවිසුම් ගත ඉරක හමුදා Kuwait දේශයෙන් පසුබසිමින් සිටි මොහොතක මෙම ප්‍රහාර මාලාව එල්ල විය. 

February 26, 1991 මධ්‍යම රාත්‍රියේ සිදුවූ මෙම සිදු වීම ඉතාම සැලසුම් ගත ප්‍රහාරයක් උනා. ප්‍රථමයෙන් ඇමරිකන් සහ කැනඩා ගුවන් ප්‍රහාර එල්ල උනේ මෙම මාර්ගයේ ආරම්භක කෙලවරට සහ අවසාන කෙලවරට එමගින් සියලුම රථ වාහන සහ සන්නද්ධ රථ මාර්ගයේ කොටු විය එමගින්. ගුවන් යාන ප්‍රහාර වලට පහසු ලෙස ගොදුරු කරගැනීමට එක්සත් ජනපද ගුවන් නියමුවන්ට මෙමගින් හැකි උනා.

මුලික මෙම ප්‍රහාරය සදහා එක්සත් ජනපදයේ 3rd Marine Aircraft Wing කණ්ඩායම සහබාගි වූ අතර මෙයට Grumman A-6 Intruder නම් ගුවන් යාන උපයෝගී කරගත් බව කියවේ. මෙම ගුවන් යානය Mk-20 Rockeye II cluster bombs යොමු කිරීමට එක්සත් ජනපදය එවකට බහුල ලෙස යොදාගත් ගුවන් යානය විය.

Grumman A-6 Intruder

Mk-20 Rockeye II Cluster Bombs

ඉන් පසු පැය 10ක් පුරා එල්ලවූ මෙම ප්‍රහාරය සදහා U.S. Marine,U.S. Air Force,USS Ranger (CV-61) සහබාගි උන බව කියවේ. සිදුවූ මරණ ප්‍රමාණය දස දහසකට වැඩි අතර ජිවග්‍රයහෙන් 2000ක පිරිසක් අල්ලාගන්නා ලදී. විනාශ වූ වාහන ප්‍රමාණය 1,800–2,700කි. පසු බසින ලද හමුදාවකට එල්ල වූ මෙම ප්‍රහාරය බරපතල යුද අපරාදයක් ලෙස ඉතිහාසයට එක් වෙයි.

තොරතුරු ලබාදුන්නේ Elakiri .com හි Executer සහෝදරයා විසිනි. 

පව් කාරයාට ගල් ගැසීම.

ඉතිහාසයේ පුරාවට නීතිය සහ සාමය වෙනුවෙන් වැරදිකරුවන් හට දඬුවම් ලබා දීම සිදුව තිබෙන අතර,වර්තමානයේද එය ඒ අකාරයෙන්ම නොවුනත් වර්තමාන සමාජ ක්‍රමයට, නීතියට ගැලපෙන ලෙස එක් එක් රටවල් තම තමුන්ට ආවේණික ලෙස නීති පද්ධති හා රාමුවක් යටතේ නීතිමය වැරදි කරන්නවුන්ට දඬුවම් ලබා දීම සිදුවේ.

The Stoning of Soraya M. යනු Cyrus Nowrasteh විසින් අධ්‍යක්ෂණය කරනු ලැබූ  Soraya Manutchehri (c.1951—August 15, 1986) නම් ඉරාන ජාතික කාන්තාවකගේ අනුවේදනීය සත්‍ය සිද්ධියක් අලලා ලියන ලද '' La Femme Lapidée '' නම් නවකතා පොත ඇසුරෙන් නිපදවූ චිත්‍රපටියකි. ඉරානයේ දුෂ්කර ගම්මානයක ජීවත් වන සොරායා පුතුන් දෙදෙනෙක් හා දියණියන් දෙදෙනෙකුගේ මවක් වන අතර, බන්ධනාගාර නිලධාරියෙකු වූ ඔහුගේ සැමියා හට අවු.14 වයස දැරියක් විවාහ කර ගැනීමේ අවශ්‍යතාවය මත තම බිරිඳ බොරු චෝදනා වලට ලක්කොට ගමේ ප්‍රධාන පුජකයා හා එක්ව කුමන්ත්‍රණයක් මගින් ප්‍රසිද්ධියේ ගල් ගසා මරනු ලබන ඛේදනීය වෘතාන්තයකි.සැබවින්ම අදටත් නීතියේ හස්තයට යටත්ව මැදපෙරදිග සහ අප්‍රිකාවේ සමහර රාජ්‍ය වල මෙසේ නිර්දෝෂී බොහෝ පුද්ගලයන්, විශේෂයෙන් කාන්තාවන් මෙසේ අමු අමුවේ ඝාතනයට ලක් වෙයි.

ගල් ගැසීමේ දඬුවම් ක්‍රමයේ ඉතිහාසය විමසීමේදී බොහෝ ඈතට දිව යයි. ක්‍රි.පූර්ව යුගයේදී ජුදා සම්ප්‍රදාය තුල මෙන්ම ඊට පසු ඇස්ටෙක් ශිෂ්ටාචාරය (1300 - 1521 ) තුලදීද මෙය දක්නට ලැබිණි.නමුත් මෙය තම සංස්කෘතිය තුලට කාවද්දා ගනු ලැබුවේ ඉස්ලාම් සම්ප්‍රදයෙනි. සරලවම ඉස්ලාම් දහම ඇරඹෙන්නේ ජුදා ජන සමාජ ක්‍රමය තුලයි. එනිසා ජුදා සම්ප්‍රදාය හා වත් පිළිවෙත් රාශියක් ඉස්ලාමයේ දක්නට ලැබේ.

ගල් ගැසීම මෙතරම් ජනප්‍රිය දඬුවම් ක්‍රමයක් මෙන්ම වර්තමානය තෙක්ම පැවතෙන්නේ කුමන හේතුවකටද ?

මේ සඳහා නිශ්චිතවම මේ හේතුව යැයි පෙන්විය නොහැකි වුවත්, සමාජ විද්‍යාඥයින් පෙන්වා දෙන්නේ මේ දඬුවම් ක්‍රමය තුල වරදිකරුවාට දඬුවමට ලක් කිරීම මෙන්ම සෙසු සමාජයේ නිර්දෝෂී බාවයද මේ තුලින් පෙන්වන බව විශ්වාසයක් පැවතීමයි.එනම් ගල් ගසන සෑම පුද්ගලයෙක්ම නිර්දෝෂී පුද්ගලයෙකු යැයි සම්මතයක් ලෙස පිළිගත් බැවිනි.

මෙන්ම මෙහිදී චුදිතයා මරණයට ලක් වනතුරු ගල් ගැසීම සිදුකරයි. තවත් කාරණයක් නම් මැදපෙරදිග කාන්තාර වල ඝනකමින් වැඩි ගල් බහුල ලෙස ඇති නිසා මෙය ඉක්මන්, මුළු මහත් සමාජයක් ඉදිරියේ සිදු කරන බැවින් අනෙක් සියල්ලන්ටද ආදර්ශයක් ලෙස කල හැකි බැවිනි.

පව්කාර ස්ත්‍රියට ගල් ගැසීම සහ බයිබලය.

ජුදා සම්ප්‍රදාය පිලිබඳ අධ්‍යනයක යෙදෙන්නෙකු පළමුවෙන්ම කල යුත්තේ බයිබලය හොඳින් කියවා අධ්‍යනය කිරීමයි. පරණ තෙස්තමේන්තුවේ එන මෝසෙස්ගේ ව්‍යවස්ථාව ( පුරාන ජුදා ''ටෝරාව '' ලෙස මෙය හැඳින්වේ.) තුල පව්කාරයන් හට ගල් ගසා මරණයට ලක් කිරීම අනුමත කරන ලදී.

බයිබලයේ එන '' පව්කාර ස්ත්‍රීයට ගල් ගැසීමේ '' සිද්ධිය ඔබ බොහෝ දෙනෙක් කියවා ඇතැයි සිතමි.ඒ මෙසේය.

ශුද්ධවර ජොහාන් 08 : 3 - 11

එවිට විනයධරයෝ හා පරිසිවරු කාමමිථ්‍යාචාරයේ හැසිරෙද්දී ම අසු වූ ස්ත්‍රියක ගෙනැවිත් ඔවුන් මැද සිටුවා, ”ගුරුදේවයෙනි, මේ ස්ත්‍රිය කාමමිථ්‍යාචාරයෙහි යෙදී සිටිය දී ම අල්ලාගන්නා ලද්දී ය. මෙබඳු අය ගල් ගසා මරන්නට මෝසෙස් විසින් ව්‍යවස්ථාවෙහි අපට අණ කර ඇත; එහෙත් මැය ගැන ඔබ කියන්නේ කිමෙක් දැ”යි උන් වහන්සේගෙන් ඇසූ හ. ඔවුන් මෙසේ ඇසුවේ, උන් වහන්සේ පරීක්ෂා කර උන් වහන්සේට වරද තබන්නට කරුණක් සොයාගන්නා අටියෙනි. එහෙත්, උන් වහන්සේ නැමී සිය ඇඟිල්ලෙන් බිම ලියූ සේක. ඔවුන් උන් වහන්සේගෙන් දිගින් දිගට ප්‍රශ්න කරද්දී, උන් වහන්සේ කෙළින් සිට, ඔවුන් අමතා, ”ඔබ අතරෙන් පවක් නැති තැනැත්තා පළමුකොට ඈට ගලක් ගසන්නැ”යි වදාරා නැවතත් නැමී සිය ඇඟිල්ලෙන් බිම ලියූ සේක. ඔවුන් ඒ වචන ඇසූ විට, වැඩිහිටියන්ගෙන් පටන්ගෙන එකෙකා බැගින් යන්නට ගියේ ය. ඉතිරි වූයේ ජේසුස් වහන්සේ ද, ඒ ස්ත්‍රිය ද පමණකි. ජේසුස් වහන්සේ කෙළින් සිට, ඈට කතා කොට, ”ස්ත්‍රිය, ඔව්හු කොහේ ද? කිසිවකු ඔබට වරද තැබුවේ නැද්දැ”යි ඇසූ සේක. ”ස්වාමීනි නැතැ”යි ඈ කීවා ය. ”මමත් ඔබට වරද නොතබමි; යන්න, මින්පසු තවත් පව් නොකරන්නැ”යි උන් වහන්සේ ඇයට වදාළ සේක. 

බයිබලයේ එන මේ පව්කාර ස්ත්‍රීය පිලිබඳ ප්‍රසිද්ධම මතය නම් ඇය පසුකලෙක ජේසුස් ගේ ශ්‍රාවකයෙකු ලෙස උන්වහන්සේ සහ අනෙකුත් ශ්‍රාවකයන් සමගින් ඊශ්‍රායලය පුරා ඇවිදිමින් ,පසු කලෙක උන්වහන්සේ කුරුසිපත් කිරීමෙන් පසු සෙසු ශ්‍රාවකයන් හා එක්ව ජේසුස්ගේ ධර්මය ප්‍රචලිත කරමින් ජීවත් වූ බවයි. ඒ වගේම බයිබලයේ සඳහන් වන '' මද්ගලාහි මරියා '' ( Mary magdalene ) යනු මේ ස්ත්‍රීය බවත් ඇතැමෙක් පිළිගනු ලබනවා.

කොයි හැටි වෙතත් මේ පව්කාර ස්ත්‍රිය පිලිබඳ විමසීමේදී අතුරු කතා වස්තුවක් පවතී.මෙය සත්‍යක්ද නැත්නම් මනකල්පිතයක්ද යන්න නොදනී. කෙටියෙන් ඒ පවසනවා නම් මෙසේයි,

මේ ස්ත්‍රිය එදා සමාජයේ ගණිකාවක් විය. එමෙන්ම ඇයගේ පහස ලැබුවේ පරිසිවරු, විනයධරයෝ ( ජුදා සමාජයේ නායකයින් ), පූජකයන්, වෙළඳ ව්‍යාපාරිකයන්, රෝම අධිරාජ්‍යයේ සෙන්පති වරු, සොල්දාදුවෝ වැනි සමාජ පිරමිඩයේ ඉහලින් සිටි ස්තර වල කුලකයන්ය. ඇගේ ක්‍රමයේ අමුතු පුරුද්දක් විය. එනම් තමා නිදිවදින සෑම පිරිමියෙකුගේම ඔහුට අයිති කුමන හෝ අරුමෝසම් බඩුවක් සොරා ගැනීමය. මෙය ලේන්සුවක්, ඉන පටියක්, හිස් පසුම්බියක්, මුද්දක් හෝ ආභරණයක් වැනි ඕනෑම දෙයක් විය.දිනක් මේ සොරකමක් අතරතුර එය අසුවීමෙන් ඇය විනයධරයන් හා පුජකයන් ඉදිරියට කැඳවනු ලැබ දඬුවම් කිරීමට සුදානම් වීමේදී ඇය විසින් තමා සන්තකයේ ඇති සියලු අරුමෝසම් බඩු ලොවට හෙළි කරන බවට තර්ජනය කිරිය.එමගින් ඔවුන්ගේ සල්ලාල කම් සහ වැරදි ලොවට හෙළි කරන බවයි. මේ බලපෑමට මහත් ලෙස බියවූ මේ සල්ලාල පුජකයන්ට හා නායකයන්ට ඇය සමාජය ඉදිරියේ ගල් ගසා මරනවා හැරෙන්නට යමක් ඉතුරු වූයේ නැත. ඒ අනුව ඔවුන් දේව මාලිගාවට යන විට ජේසුස් ද ඔවුන් අතර සිටිය.ඉන්පසු ඇයට ගල් ගසා මරණයෙන් බේරා ගත්තේ ජෙසුස්ය. එහිදී ඇයට තමා කෙරෙහි කලකිරීමක් සහ තම පව් පිලිබඳ මහත් මනස්තාපයක් ඇතිවී ප්‍රබල සිත් හැරීමකට ලක්වුවාය.

සොරායා සහ පව්කාර ස්ත්‍රීය 

පව්කාර ස්ත්‍රිය සැබෑවටම එදා ජන සමාජය ඉදිරියේ පිළිගත් ලෙස පව් කාරියක් විය.නමුත් සොරායා සැබෑවටම අහිංසක නිර්දෝෂී ස්ත්‍රියකි. නමුත් සිද්ධි දෙකේදීම සමාජය විසින් ඔවුන්ව මරණය කරා තල්ලු කරලිය.සැබවින්ම එහිදී මිනිසුන්ගේ අත් වල වැරැද්ද තිබිණි. නමුත් ඒ බව පිලි ගැනීමට ඔවුන්ට ශක්තියක් හා පෞර්ෂයක් නොවීය.

පව්කාර ස්ත්‍රිය උදෙසා මැදිහත් වීමට ජෙසුස්ට හැකි වූ අතර ඒ වචන මිනිසුන්ගේ වරදකාරී බව ඉස්මතු කොට, ඇයගේ සිත යහපත් මාර්ගයට හැරවීමට තරම් ප්‍රබල විය. මන්ද ඔහු ශාස්තෘවරයෙක් නිසාය. නමුත් සොරායා වෙනුවෙන් මැදිහත් වූ '' සාරා '' හට අත් වුයේ මිනිසුන්ගේ අතින් පහර කා බිමට වැටෙන්නටය. මන්ද ඇය තවත් කාන්තාවක් වූ පමනින්ය. සොරායාට පළමු ගල ගසන්නෙත්, තමාට මෙලොව ජීවය දුන් ඇයගේම පියා විසිනි.එමෙන්ම තමන්ගේ චපල සැමියා සහ තමන්ගේම ලෙයින් බිහිවූ තම පුතුන් දෙදෙනාද විසිනි. නමුත් අවසානයේ '' සාරා '' විසින් සොරායාගේ කතාව ලොවට හෙළිකරලිය.

සැබවින්ම එදා මෙන්ම අදත් සිදුවන්නේ මෙයම නොවේද? ස්ත්‍රී වේවා පුරුෂ වේවා කොයියම් හෝ වේවා බලය , තණ්හාව හා දුෂ්ටකම් වෙනුවෙන් දුබලයා පාගා ගල් ගැසීමක් නොවේද?

තොරතුරු ලබාදුන්නේ Elakiri .com හි Dodo Mahaththaya සහෝදරයා විසිනි.

සඳගාමීන් දුටු අද්භූත සිදුවීම්

ඓතිහාසික මූලාශ්‍ර ජනප්‍රවාද මෙන්ම ඇතැම් දාර්ශනික මතවාදයන් අනුවද සඳ යනු පෘථිවියේ ස්වාභාවික උපග්‍රහයෙක් නොව පාරභෞමිකයින් කොට්ඨාශයක් විසින් කෘතිමව නිර්මාණය කරනු ලැබූ වස්තුවක් වේ.

යන මතය ඈත අතීතයේ පැවති සංස්කෘතීන් තුළ මුල් බැස ගෙන තිබු අදහසකි. එහිදී සඳ මත ජීවත් වන පාරභෞමිකයින් අතර සිදු වූ බිහිසුණු යුද්ධයක් පිළිබඳ ව ද ඇතැම් මූලාශ්‍රවල සඳහන් වේ. එහෙත් වර්තමාන සමාජයේ බහුතර ජනතාව විසින් එවැනි කතා හුදු මිත්‍යා විශ්වාසයන් සේ සලකන බව අපි දනිමු. එසේ වුවත් ඇපලෝ අභ්‍යවකාශ වැඩසටහන මඟින් හෙළිදරව් කර ගෙන ඇති ඇතැම් කරුණු ගැන මධ්‍යස්ථ විග්‍රහයක් කරන්නෙකුට සඳෙහි භෞතික ස්වභාවය පමණක් නොව එහි සම්භවය සහ පැවැත්ම ද වත්මනෙහි එහි ඇතැයි සැලකෙන ජනාවාස පිළිබඳව මතු වී ඇති ගැටලු වලට නිසි පිළිතුරක් සැපයීම සඳහා විද්‍යාත්මක ලෝකයේ දැනට ඇති අර්ථකථන හා පැහැදිලි කිරීම් බොහොමයක් අසම්පූර්ණ ඒවා බව පෙන්වා දිය හැකිය.

උක්ත කාරණයේදී සඳ තරණයට සහභාගී වූ ගගනගාමීන් සහ පාලක මැදිරිය අතර පැවැති සංවාද වලින් බොහෝ සාක්ෂි හමු වන බව මෙම මතය ඉදිරිපත් කරන තාරකා විද්‍යාඥයෝ පෙන්වාදෙති. ඒ සදහා සැපයෙන එක් ප්‍රබල සාක්ෂියක් වන්නේ ගගනගාමී නීල් ආම්ස්ට්‍රෝං හා nasa පාලක මැදිරිය අතර වූ සංවාදයක දැක්වෙන අන්දමට ඔහු විසින් සඳමත වූ එක්තරා අද්භූත ජනක එලි ගැන කරන ලද සඳහනක්ය.

ලොව පුරා සජීවී ලෙස විකාශනය වෙමින් තිබූ මෙම වැඩසටහන එම ප්‍රකාශයත් සමග විසන්ධි වී ඇත ඉන් අනතුරුව ඔවුන් අතර සම්බන්ධතාවය එක්තරා රහත් නාලිකාවක් ඔස්සේ සිදුවිය. එහෙත් ඇතැම් පුද්ගලයන් එම නාලිකාවට ද සවන් දී ඇති අතර එහිදී ප්‍රකාශ වී ඇත්තේ සඳ මතුපිට ඇති ආවාටයක් අසල ආගන්තුක අභ්‍යවකාශ යානාවක් දක්නට ලැබෙන බවකි.

එසේම එවකට නාසා සන්නිවේදන පද්ධතියේ ප්‍රධානියාව සිටි Maurice chatelian ඊට අවුරුදු දහයකට පසුව නීල් ආම්ස්ට්‍රෝන් එවැනි අද්භූත වස්තුවක් ගැන පැවසූ බව සනාථ කර ඇත .ඒ ගැන තවදුරටත් අදහස් දක්වන ඔහු මෙසේ ද පවසයි සඳ මත මෙවැනි වස්තූන් දර්ශනය වීම නාසා ආයතනයට අලුත් දේවල් නොවෙයි ඒත් මේ දක්වා කවුරුත් ඒ ගැන ප්‍රසිද්ධ ප්‍රකාශයක් නිකුත් කරලා නැහැ.!.

එපමණක් ද නොව එවකට නාසා ආයතනයේ අධ්‍යක්ෂක වරයෙකු සහ හූස්ටන් පාලක මැදිරියේ සේවයේ නියුතුව සිටි christoper kraft සේවයෙන් විශ්‍රාම ගැනීමෙන් පසුව ඉහත කී අවස්ථාවේදී ආම්ස්ට්‍රෝං ඕල්ඩ්‍රින් සහ පාලක මැදිරිය අතර සිදු වූ සංවාදය ගැන අනාවරණය කරන්නේ මෙලෙසින්ය.

ඇපලෝ 11 : " ඒවා හරි විශාලයි. මේක දෘෂ්ටි මායාවක් නොවෙයි ඒත් දෙයියනේ ........මේ කතාව කවුරුත් විශ්වාස කරන එකක් නම් නැහැ"

පාලක මැදිරිය : මොකක් .....!මොකක් ද .....? ඔතන සිද්ධවෙන්නෙ....? මොකක්ද ඇතිවෙලා තියෙන ප්‍රශ්නේ....?

ඇපලෝ 11 : මෙතැන මොනවදෝ අමුතු දෙයක් තියෙනවා.

පාලක මැදිරිය : මොනවද තියෙන්නෙ....? (සම්ප්‍රේෂණ බාධාවක් ඇති වේ.) බාධා වුණා.......
ඇපලෝ 11 පාලක මැදිරිය කතා කරනවා

ඇපලෝ 11 : අපි ආගන්තුකයො පිරිසක් දැක්කා .ඔවුන් ටික වෙලාවක් එතන ඉඳගෙන උපකරණ වගයක් පරික්ෂා කළා.

පාලක මැදිරිය : ඔබගේ අවසන් වැකිය නැවතත් කියන්න.....

ඇපලෝ 11 : මා කීවේ අපි තවත් අභ්‍යවකාශ යානයක් දැක්කා කියලයි. ඒක මේ ආවාටයේ අනිත් පැත්තෙ නවත්වලා තිබුණා.

පාලක මැදිරිය : නැවත කියන්න නැවත කියන්න ......

ඇපලෝ 11 : අපි මේ ගැන විමසිලිමත් වෙමු. මම ස්වංක්‍රීය ප්‍රතිවාදන මෙවලම සම්බන්ධ කලා. දැන්නම් මගේ අත්දෙකත් වෙව්ලනවා. මට කිසිම දෙයක් කර ගන්ට බෑ.... දෙයියනේ මේ කැමරාව වැඩ කරන්නෙත් නෑ .කිසිම දෙයක් රූගත කරන්නත් බෑ.... මොකද දැන් කරන්නේ ......?

පාලක මැදිරිය : ඔබට මේ සිද්ධිය ගැන මොනවා හරි වැදගත් සාක්ෂියක් ලබාගන්නට පුළුවන් උනාද.....?

ඇපලෝ 11: එහෙම කිසිම දෙයක් නැහැ. ඒ පියාඹන පීරිසියේ හරි වෙන මොකක් හරි එකේ ඡායාරූප තුනක් ලබා ගත්තත් මොනයම් හරි ක්‍රමයකින් ඒවත් විනාශ වෙලා තියෙනවා .

පාලක මැදිරිය : මේ පාලක මැදිරිය ඔබට මා ඇහෙනවද මොකක්ද ඔය කාලගෝට්ටියක් ඇහෙන්නෙ අර අද්භූත වස්තුවෙන්ද අවසානයි .

ඇපලෝ 11 : ඒ යානය මේ ළඟ තැනකට ගොඩ බැස්සා .එතන ඉඳන් ඔවුන් අපව නිරීක්ෂණය කරනවා.

පාලක මැදිරිය : නිරීක්ෂණ දර්පණ කොහේද ?ඔබ ඒවා සවි කළා ද ?

ඇපලෝ 11 : ඔව් අපි ඒවා නියම තැන්වල සවිකළා .ඒ වුණත් මේ අද්භූත යානය ඉන්න අය නියතවශයෙන්ම ඒවා අයින් කරන්න පුළුවන් අවසානයි.

චැටලියර්ගේ මෙම හෙළිදරව්වත් සමග නියතවශයෙන්ම මිනිසාගේ සඳ තරණය කිරීමේ වැඩසටහන පිළිබඳව චන්ද්‍රයාගේ හෝ එවන් වෙනත් ස්ථානයක සිටින පාරභෞමිකයින් පිරිසක් විසින් ඒ සියලු ක්‍රියාකාරකම් නිරීක්ෂණය කරමින් සිටින බව පැහැදිලි විය. එපමණක්ද නොව මෙම අවස්ථාවෙන් පසුව වුවද අභ්‍යවකාශගාමීන් විසින් මෙවන් අද්භූත සිදුවීම් රැසක් ගැන සඳහන් කර ඇති බව බොහෝ වාර්තාවල දැක්වේ.

තොරතොරු මන්දාකිණිය Facebook පිටුවෙනි.

වැරදි කාලයක ඉපදුන නිවැරදි මිනිසා නිකොලා ටෙස්ලා.

1884 වර්ෂයේ එක්තරා දිනක තෝමස් අල්වා එඩිසන් මුණ ගැහෙන්න සයිබීරියන් සම්වභයක් සහිත ඔස්ට්‍රියානු තරුණයෙක් එනවා. ඔහු එන්නේ ඔහුගේ මුල් ව්‍යවසායකයා වූ චාල්ස් බච්ලර් මහතා විසින් ලියන ලද ලිපියකුත් අරගෙනයි. රැගෙන එන ලියුමේ සදහන් වෙන්නේ,

"මම ලෝකයේ දන්නා ශ්‍රේෂ්ඨයන් දෙදෙනෙකි. එක්කෙනෙක් ඔබ වන අතර අනෙකා මම ලිපිය රැගෙන එන තැනැත්තායි."

මේ ලිපිය ලියූ චාල්ස් බච්ලර් මහතා මෙලෙස හදුන්වාදෙන ලද පුද්ගලයා ඇත්තටම තෝමස් අල්වා එඩිසන්ටත් වඩා ශ්‍රේෂ්ඨක් බව නම් දැන් ලොවම හදුනාගෙන අවසන්. මගේ අදහස නම් ඔහුව සමකල හැක්කේ ශ්‍රේෂ්ඨ නවෝත්පාදක ලියනාඩෝ ඩාවින්සි ට පමණක් බවයි. මන්ද ඔහු හැර අන් කිසිවෙකුත් විෂය පථයන් ගණනාවක හසල දැනුමකින් හා වසර සියගණනක අනාගත දැක්මකින් කටයුතු කර නොමැති බැවිනි. ඒ අන් කව්රුත් නොව නිකොලා ටෙස්ලා නම් මහා නිර්මාණකරුයි. ටෙස්ලා නව නිපැයුම්කරුවෙකු, විදුලි ඉංජිනේරුවෙකු, යාන්ත්රික ඉංජිනේරුවෙකු, සහ අනාගතවේදියෙකු යන විවිද අංශ වලින් ලෝකයට මහා මෙහෙයක් සිදුකලා. නමුත් එඩිසන් නම් එවන් ශ්‍රේෂ්ඨයෙකු දැයි මෙම ලිපිය කියවන විට ඔබටම වැටහීමක් ලැබේවි.

මේ මහා නිර්මාණකරු උපත ලැබුවේ ක්‍රොයේෂියාවේ සර්බියානු පවුලකයි. නමුත් ඒක ටිකක් අමුතු කතාවක්, එවකට ඔස්ට්‍රිහන්ගේරියන් දේශ සීමාවට ආසන්න ලිකා (Lika) ග්‍රාමයේ, ස්මිල්ජාන් කියන පළාතේ තමා නිකොලා ටෙස්ලා ඉපදුනේ. හැබැයි ඒක ටික කාලයක් යන කොට යුගොස්ලෝවියාව උනා. නමුත් දැන් නං හඳුන්වන්නේ ක්‍රොඒෂියාව විදියටයි. කොහොම උනත් ටෙස්ලාගේ දෙමාපියන් සර්බියන් වැසියන් වූ නිසාම ටෙස්ලාත් උපතින් සර්බියානුවෙක් විදියට හදුන්වන්න පුළුවන්. ටෙස්ලා ඉපදුනේ 1856 ජූනි 10 වනදා අකුණු ගසන මධ්‍යම රාත්‍රියකයි. ඒ නිසාම ඔහුව "විදුලියෙන් උපන් දරුවා" ලෙසද හැඳින්වුනා. ඒ දරුවන්  පස්දෙනෙකුගෙන් යුතු පව්ලක හතර වෙනියා ලෙසයි. ඔහුට සොහොයුරියන් තිදෙනෙකු (මිල්කා, ඇන්ජිනෝනා සහ මාරිකා) සහ එක් සොයුරෙකු විය. නමුත් අවාසනාවන්ත ලෙස ටෙස්ලාගේ වයස අවුරුදු පහක් වූ විට අශ්ව කරත්තයකින්  වැටී ඔහුගේ සොහොයුරා (ඩේන්) මිය ගියේය. 1861 දී ටෙසලා ස්මිජාන්හි ප්රාථමික පාසැලකට ගොස් ජර්මානු, ගණිතය හා ආගම ඉගෙන ගත්තේය. මේ විශිෂ්ට මිනිසාට "ඔහුගේ නොවනු ඔහුගේම පේටන් බලපත්රයක් සහ නොබෙල් ත්‍යාගයකුත්"  තියෙනවා. ඒවගේම ඔහු "වැරදි කාලයක ඉපදුන නිවැරදි මිනිසෙක්" කියල හදුන්වන්න පුළුවන්. ඒබව ඔයාලට මේ ලිපිය කියවල ඉවරවෙද්දි තේරෙයි.

ඔහුගේ පියා මිලුටින් ටෙස්ල (Milutin Tesla) ඕතොඩොක්ස් පූජකයෙකු වූ නිසාම ඔහුට තම පුතාවද පූජකයෙකු කිරීමට අවශ්‍ය වුණා. නමුත් තම මව ඩුයුකා ටෙස්ලා (Đuka Tesla)
නිවසේ වැඩ පහසු කරගැනීමට නිර්මාණය කළ විවිධ උපකරණ හා ක්‍රම දුටු කුඩා ටෙස්ලාට අවශ්‍ය වුණේ තාක්ෂණය ඉගෙනගැනීමටයි. මේ ඝට්ඨනය දිගින් දිගටම තිබුනා. ඒත් ටෙස්ලට කොළරාව හැදිල දැඩි අසනීපයෙන් ඉද්දී, ඔහුගේ පියා ඇවිත් ඇහුවේ මේ අසනීපේ ඔයාට කොහොම හරි හොද කර ගන්න බැරිද කියලයි. ඔහුගේ පියා ඕතොඩොක්ස් පූජකයෙකු වූ නිසාම ඔහුට තම පුතාවද පූජකයෙකු කිරීමට අවශ්‍ය වුණා. නමුත් තම මව නිවසේ වැඩ පහසු කරගැනීමට නිර්මාණය කළ විවිධ උපකරණ හා ක්‍රම දුටු කුඩා ටෙස්ලාට අවශ්‍ය වුණේ තාක්ෂණය ඉගෙනගැනීමටයි. මේ ඝට්ඨනය දිගින් දිගටම තිබුනා. ඒත් ටෙස්ලට කොළරාව හැදිල දැඩි අසනීපයෙන් ඉද්දී, ඔහුගේ පියා ඇවිත් ඇහුවේ මේ අසනීපේ ඔයාට කොහොම හරි හොද කර ගන්න බැරිද කියලයි. අන්න එතකොට ටෙස්ලා කිව්වේ “මම මේ ලෙඩේ සනීප කරගන්නවා නං තාත්තා මට එක දෙයක් පොරොන්දු වෙන්න ඕන“ කියලයි. අවසානයේදි ටෙස්ලා සිතු පරිදිම ඉංජිනේරුවෙකු වීමට තාත්තා ටෙස්ලාට කැමැත්ත දෙනවා පමණක් නොවෙයි. සුදුසු ඕනැම විශ්වවිද්‍යාලයකට යන්නත් උදව් කරනවා.

ඔහු විදුලි ඉංජිනේරු විද්‍යාව හැදෑරීමට ආරම්භ කලත් උපාධිය අවසන් කරන්නේ නැහැ.එයට හේතුව නම් අදටත් පැහැදිලි නැහැ. උපාධිය අවසන් වන තෙක් එහි නොරැඳෙන ටෙස්ලා තම ජීවිතයේ ගත් සාධනීයම තීරණයක් ගන්නවා. ඒ ඇමරිකාවට සංක්‍රමණය වීමයි. ඔහු ඇමරිකාවට එන්නේ ඇඳුම් කිහිපයක්, මග වියදමට මුදල් ස්වල්පයක් සහ තමාව හඳුන්වාදීමේ ලිපියක් පමණක් සහිතවයි. ඔහු සේවයට යන්නේ මා කලින් සදහන් කල පරිදිම තෝමස් අල්වා එඩිසන්ගේ විද්‍යාගාරයටයි.

එහිදී ටෙස්ලා කලක් පුරාවට බොහෝ පර්යේෂණ වල නියැලෙමින් බොහෝ නිර්මාණ කරනවා. එඩිසන් දැන සිටියේ සහ අලෙවි කලේ DC (සරළ ධාරා) විද්‍යුතයයි. එකළ එය ඉතාම මිළ අධික වගේම අකාර්යක්ෂම සේවාවක් වුණා.

•  සෑම වර්ග සැතපුමකටම පමණ බලාගාරයක් අවශ්‍ය වීම,
•  සම්ප්‍රේෂණය සඳහා ඝනකම් රැහැන් අවශ්‍ය වීම,
•  ගිණිගැනීම් අධික වීම,
•  ගින්නෙන් විදුලි පද්ධතියට සිදුවන හානි ප්‍රතිසංස්කරණය කිරීමට අධික වියදමක් යාම

ආදී හේතූන් නිසා එඩිසන් මෙම ව්‍යාපාරයෙන් අධික ලාභ උපයන්නට සමත් වුණා.

ටෙස්ලා තමන්ට වඩා අතිදක්ෂයෙක් බව තේරුම්ගන්නා එඩිසන් ටෙස්ලාට ඉතා වැදගත් කාර්යක් භාරදෙනවා. ඒ ව්‍යාපෘතිය වූයේ ඔහුගේ DC ජෙනරේටර් සහ මෝටර් වල දෝෂ නිරාකරණය කිරීමයි. ඒ සඳහා දැවැන්ත මුදලක් ටෙස්ලාට දීමටත් ඔහු පොරොන්දු වෙනවා. එනම් එය සාර්ථකව නිම කලොත් ඩොලර් පනස් දහසක් ලබා දීමේ පොරොන්දුවක් ඔහු ලබාදෙනවා. එමනිසා ටෙස්ලා දිවා රෑ නොබලා මෙම කාර්යය අවසන් කර එඩිසන්ට භාරදී පොරොන්දු වූ මුදල් ඉල්ලනවා. ටෙස්ලා බලාපොරොත්තු වන්නේ එම මුදලින් ඔහුගේ නව පර්යේෂණ කටයුතු ආරම්භ කිරීමටයි.

එවිට එම මුදල් දීම ප්‍රතික්ෂේප කරමින් එඩිසන් ටෙස්ලාට මෙසේ පවසනවා,

"Tesla, you don't understand our American humour"
("ටෙස්ලා, ඇමරිකන් විහිලු ගැන ඔබ දන්නේ නැහැ")

මෙම හේතුව නිසා තම බලාපොරොත්තු කඩවීම මත එඩිසන්ගේ ජෙනරල් ඉලෙක්ට්‍රික් ආයතනයෙන් ඉල්ලා අස්වන ටෙස්ලා ටික කාලයක් නිව් යෝර්ක් නගරයේ කම්කරුවෙකු ලෙසත් කටයුතු කරනවා. එසේ උපයාගත් මුදලින් පසුව ඔහු තමාගේම විද්‍යාගාරයක් අරඹනවා. මේ සඳහා මූල්‍ය අනුග්‍රහය ලබාදීමට එකඟ වන්නේ J.P. Morgan සහ George Westinghouse සමාගම් දෙක පමණයි. මෙම වකවානුවේ පැවතියේ එඩිසන්ගේ සරල ධාරා ක්‍රමය පමණයි. එය මා පෙර සදහන් කල පරිදිම ඉතා වියදම් අධික මෙන්ම අකාර්යක්ෂම ක්‍රමයක් ද වූවා. මෙය වටහාගත් ටෙස්ලා ප්‍රත්‍යාවර්ථ ධාරා (AC) විදුලිය ලොවට හදුන්වා දෙනවා. විශාල ප්‍රදේශයකටම එක් බලාගාරයක් පමණක් ප්‍රමාණවත් වීම, ඉලෙක්ට්‍රෝන ගැලීමක් නොමැතිවීම , ආරක්‍ෂිත වීම, නිෂ්පාදන  නඩත්තු වියදම් අවම වීම, බෙදාහැරීමේ වියදම අවම වීම, ආදී කරුණු මත අදටත්  ලෝකයම භාවිත කරන්නේ මෙම ක්‍රමයි. ඔහු මෙය සදහා පේටන් බලපත්‍රයද ලබාගන්නවා. පසුව ජෝර්ජ් වෙස්ටින්ග්හවුස් මේ පේටන් එක ඩොලර් මිලියනකට මිලදී ගන්නවා. නමුත් ටෙස්ලා මෙම මුදල් ද වියදම් කරන්නේ තමාගේ නව නිපැයුම් සිදුකිරීම සදහායි.

කෙසේ උවත් මෙම නව ප්‍රත්‍යාවර්ථ ධාරා (AC) ක්‍රමය එඩිසන්ගේ වියාපාර වලට මාරු පහරක් උනා.එමනිසා එඩිසන් මේ සම්බන්දව නිකන් හිටියේ නෑ. ඔහු විසින්   සුරතල් කිහිප දෙනෙක්, අශ්වයෙක් සහ ඇතින්නක් සොයාගෙන මෙම ප්‍රත්‍යාවර්ථ ධාරා (AC) විදුලිය අනතුරදයක බව පෙන්වීමට මෙම එම සතුන් ප්‍රත්‍යාවර්ථ ධාරා (AC) මගින් පණපිටින් පුලුස්ස්සා මරා දමනවා. හැබැයි එඩිසන් මහත්තයම තමයි ආණ්ඩුවට යෝජනා කරලා තියෙන්නේ හිර කාරයින්ට මරණ දඬුවම දීම සඳහා ප්‍රත්‍යාවර්ථ ධාරාව යොදා ගන්න කියලා. ඒවගේම ඔහු ප්‍රත්‍යාවර්ථ ධාරා (AC) යොදාගෙන මිනිසුන්ට මරණ දඩුවම ලබාදීමට විදුලිපුටුව නිර්මාණය කරනවා. නමුත් ටෙස්ලා මෙයට අපූරු පිළිතුරක් ලබාදෙනවා. ඔහු Faraday Cage එකක් ආකාරයට සාදාගත් ඇඳුමක් ඇඳගෙන ප්‍රසිද්දියේ තම සිරුර හරහා ඉතාමත් අධික විදුලියක් යවාගෙන පෙන්වමින් තම නිෂ්පාදනය ආරක්ෂිත බව පෙන්වුවා. එයින් එඩිසන් පරාජයට පත්වනවා මෙන්ම එම ක්‍රමය හඳුන්වා දුන් පසු ඔහුගේ සරල ධාරා ඩයිනමෝ සහ ඒ ආශ්‍රිත නිෂ්පාදන ව්‍යාපාරයට දරුණු පහරක් එල්ල උනා.

මේ අතරේ තමයි "ක්‍රිස්ටෝපර් කොලොම්බස්" ගේ ඇමරිකා ආගමනයේ 400 වන සංවත්සරය සමරන දවස ලං වෙන්නේ. එය ඇමරිකාව උත්සවාකාරයෙන් සැමරීමට සුදානම් වෙනවා. ඒ සඳහා උත්සවාකාරයෙන් චිකාගෝ නගරයේ විශාල වෙලද ප්‍රදර්ශණයක් පැවැත්වීමට සැලසුම් කරනවා. (World's Colombian Exposition / World's Fair කියන්නේ ඒකට) එය ආලෝකවත් කිරීම බාර දෙන්න ටෙන්ඩර් කැඳවීමක් කරනවා. මේ ටෙන්ඩරයට ටෙස්ලා වගේම එඩිසනුත් තරග කරනවා. නමුත් එය දිනාගන්නේ ටෙස්ලා, වෙස්ටින්ග්හවුස් ගේ අනුග්‍රහයෙන්. හේතුව තමයි සරල ධාරා යොදාගෙන කරන ආලෝකකරණය ට වැය වන මුදලින් අඩක් පමණක් මේ සඳහා වැය වීම. ඉතින් ටෙන්ඩරය ලැබෙන එක පුදුමයක් නෙමෙයි. නමුත් ටෙන්ඩරය ලැබීමෙන් පසු ටෙස්ලට ලොකු අර්බුදයකට මුහුණ දෙන්න වෙනවා. අර ටෙන්ඩර් එක එඩිසන් මහත්මයට  ගන්න බැරිඋන නිසා ඔහු කරන්නේ ටෙස්ලා ට අකුල් හෙලන එක. විදුලි බල්බයේ පේටන්ට් බලපත්‍රය තිබුනේ එඩිසන් අතේ නිසා ආලෝකකරණය සඳහා බල්බ යොදා ගන්න ටෙස්ලාට තහනම් කරනවා. ඉතින් බල්බ නැතිව මොන ආලෝකරණයක්ද?අපිට එහෙම දෙයක් උනානම් අපි හිතන්නේ එහෙම නේද? එත් ටෙස්ලා මේකට අපූරු විසදුමක් හොයාගන්නවා. ඒ තමයි ගෑස් බල්බ.(වර්ථමාන CFL සංකල්පය.) ඒ වැඩේ  සාර්ථක වෙනවා. ඒ තමයි ඉතිහාසයේ ප්‍රථම වතාවට විදුලි ආලෝකකරණය භාවිතාකළ අවස්ථාව. මේකත් එක්කම ටෙස්ලා ලෝකයේම ප්‍රසිද්ද වෙනවා.

මේ වනවිට නයගරා ඇල්ල භාරව තිබූ කොමිසම නයගරා ඇල්ල මගින් විදුලිය ජනනය කිරීමට සහ සම්ප්රේෂණය කිරීම සඳහා වඩාත් සුදුසු පද්ධතිය කුමක්ද යන්න පිලිබදව වසර ගණනාවක සිට යෝජනා මාලාවක් සහ තරග මාලාවක් සලකා බලමින් සිට ඇත. නමුත් මෙහිදී ටෙස්ලා ගේ අති සාර්ථකත්වය හා සුපිරි හැකියාව දකින නයගරා ඇල්ල භාරව තිබූ කොමිසම, ජල බලය යොදාගෙන ප්‍රත්‍යාවර්ථ ධාරා නිපදවීම අත්හදා බැලීමට ටෙස්ලාට අවසර දෙනවා. නයගරා ඇල්ලෙන් විදුලිය නිපදවුවොත් එය භාවිතා කළ හැකි ලඟම නගරය වන "බෆලෝ නගරය" ඇල්ලේ ඉඳන් සැතපුම් 20 ක් පමණ දුරින් ඇති නිසා සරල ධාරා සම්ප්‍රේෂණය කොහෙත්ම ප්‍රයෝගික නැහැ. ඒ නිසා ටෙස්ලා ගේ ප්‍රත්‍යාවර්ථ අත්හදා බැලීම් වලට නිතරඟයෙන් ඉඩ ලැබෙනවා. නයගරා ඇල්ලේ ජල විදුලි සම්ප්‍රේෂණය ස්විචය විවෘත කරන අවස්ථාවේ ටෙස්ලා එතන ඉඳලත් නැහැ. එය නිවැරදිව වැඩ කරන බවට ඔහුට ඒ තරමටම විශ්වාසයක් තිබුනා. ලොව ප්‍රථම ජල විදුලි බලාගාරය තමයි ඒ. නයගරා ඇල්ල අසල ඇති ප්‍රතිමාව නිර්මණය කරලා තියෙන්නේ ටෙස්ලගේ මේ විශිෂ්ට නිර්මාණයට උපහාරයක් විදියටයි.

මාර්කෝනි රේඩියෝව සොයාගත් බව ලෝකයම පවසනවා. නමුත් ඔහු සැබැවින්ම කලේ ටෙස්ලාගේ සොයාගැනීම් හා පේටන්ට් 17ක් භාවිතා කරමින් ලොව ප්‍රථම ගුවන්විදුලි පණිවුඩය යැවීමයි (රේඩියෝවක් ගලවා එහි ඇති ටෙස්ලා කොයිල්, ට්‍රාන්සිස්ටර් ආදිය බලන්න). මේසදහා මර්කෝනිට නොබෙල් ත්‍යාගයත් ලැබෙනවා.ඒ නිසයි මම මුලින් " ඔහුට ඔහුගේ නොවනු ඔහුගේම පේටන් බලපත්රයක් සහ නොබෙල් ත්‍යාගයකුත්  තියෙනවා" කියල කිව්වේ. ටෙස්ලා මේ ගැන මාධ්‍ය වලට පිළිතුරු දුන්නේ

"Marconi is a good fellow. Let him continue. He is using seventeen of my Patents"

ලෙසයි. 1943 වර්ෂයේ ටෙස්ලාගේ මරණින් මාස 6 කට පසු දුන් නඩු තීන්දුවකින් නැවතත් ගුවන්විදුලිය සොයාගැනීමේ ගෞරවය ටෙස්ලාට ලැබුණු නමුත් අදටත් බහුතර ලෝකය එය දන්නේ නැත.

1898 දී පමණ ටෙස්ලා කළ තවත් සොයා ගැනීමක් තමයි දුරස්ථ පාලනය. අද, රූපවාහිනියේ පටන් සැටලයිට් දක්වා හැම උපකරණයකම වගේ පාවිච්චි වෙන්නේ ටෙස්ලාගේ මේ සොයා ගැනීම. 1917 දී ටෙස්ලා ගෙන ආ තවත් සංකල්පයක් තමයි රේඩියෝ තරංග පරාවර්තනය කිරීම මගින් වස්තුවක වේගය සහ ස්ථානය නිර්ණය කිරීම. එය ආරක්ෂක කටයුතු සඳහා යොදා ගැනීම ටෙස්ලා ගේ අදහස උනත් එවකට නාවික හමුදාව සම්බන්ධ නිලයක් දැරූ එඩිසන් විසින් එය වළක්වනවා. රොබර්ට් වොට්සන් "රේඩාර්" සොයා ගත්තේ ඉන් අවු. 17 කට පස්සේ. ඇත්තටම එහි ගෞරවය ලැබෙන්න ඕන ටෙස්ලා ට. "විල්හෙල්ම් රෙන්ට්ගන්" එක්ස් රේ සොයා ගැනීමට අවු. 8 කට පෙර, ටෙස්ලා එක්ස් රේ යොදා ගෙන පරීක්ෂණ කර තිබෙනවා. ටෙස්ලාට ඒ දේවල්, ඔහුගේ පරීක්ෂණ වලට යොදා ගත් අතුරු නිපැයුම් පමණයි.

ටෙස්ලා ගැන කතා කරද්දී තවත් කතා නොකර බැරි දෙයක් තියනවා. "ටෙස්ලා කොයිල්" ගැන. බලමුකෝ මොකක්ද මේ සංකල්පය කියලා. "වයර්ලස්" එහෙම නැත්නම් රැහැන් රහිත සම්ප්‍රේෂණය ගැන හැමෝම දන්නවනේ. ටෙස්ලා කොයිල් එකෙන් කරන්නේ රැහැන් රහිත බලශක්ති සම්ප්‍රේෂණය කිව්වොත් මම හිතන්නේ මම වැරදි නැහැ. අවකාශය හරහා විදුලිය සම්ප්‍රේෂණය කරන්න (හරියට රේඩියෝ තරංග ගමන් කරනවා වගේ) හදපු සැළසුමේ මුල තමයි ඒ. මේ වීඩියෝවෙන් බලාගන්න පුළුවන් ටෙස්ලා කොයිල් එකක් මොන වගේද කියලා.මේ විදියට සම්ප්‍රේෂණය කරන විදුලිය සරලවම ප්‍රතිග්‍රාහකයක් වෙත (බල්බයක් වැනි) ලබා ගන්න හැකියාව තියනවා, කිසිම වයර් ඇදීමක් නැතිව. ඒ කියන්නේ ටෙස්ලා කොයිල් එකක් සම්ප්‍රේෂණය කරද්දී ඒ සීමාව තුල කෙනෙක් බල්බයක් නිකන්ම අතේ තබා ගෙන හිටියොත් එය දැල්වෙනවා, හැබැයි මිනිසාට හානියක් නොවී. කොයි තරම් අපූරු සංකල්පයක්ද? ටෙස්ලා මේ ගැන කොලරාඩෝ ප්‍රාන්තයට ගොස් පරීක්ෂණ පවත්වද්දී මිනිසුන් හිතුවේ ඔහු දෙවියන්ට අයත් වැඩ කරන පිස්සෙක් විදිහට. නැවත නිව්යෝක් වෙත එන ටෙස්ලා ගේ අදහස වෙන්නේ විශාල ටෙස්ලා කුළුණක් තනා ලෝකයටම විදුලිය, සංගීතය, රේඩියෝ තරංග ආදී සියල්ල සම්ප්‍රේෂණය කිරීම. ඔහු මේ සඳහා "මෝගන්" නම් මුදල් අනුග්‍රාහකයෙක් සොයා ගන්නවා.

ඒත්, අවාසනාවකට කුලුන තනාගෙන යද්දී ගුග්ලිමෝ මාර්කෝනි රේඩියෝ තරංග සම්ප්‍රේෂණය කරන නිසා මෝගන් හිතනවා තව දුරටත් මේකට අනුග්‍රහය දක්වන එකේ තේරුමක් නෑ කියලා. ටෙස්ලාගේ සැලසුම රේඩියෝ තරංග සම්ප්‍රේෂණයට වඩා ඉතාමත් එහා ගිය එකක් බව ඔහුට වැටහෙන්නේ නැහැ. කුලුනේ වැඩ අතරමග නතර වෙනවා. මේ නිසා ටෙස්ලා විසින් ලොවට දීමට නියමිතව තිබූ අසිරිමත් ත්‍යාගය අපිට අහිමි වෙනවා.

ටෙස්ලගේ අසිරිමත් නිර්මාණ අතර පහත ඒවා ප්‍රධාන තැනක් ගනී.

• දුරස්ථ පාලකය.
• රැහැන් රහිත සන්නිවේදනය.
• නියෝන් ලයිට්.
• ෆ්ලොරොසන්ට් ලයිට් (ටියුබ් ලයිට්).
• AC මෝටරය (බ්ලෙන්ඩරයේ ෆෑන් එකේ වායුසමීකරණයේ සිට කර්මාන්තශාලා වල දැවැන්ත යන්ත්‍ර දක්වා ඇත්තේ AC මෝටර්ය).
• විද්‍යුත් චුම්බක ක්ෂේත්‍රයක් මත ගමන් කරන පාවෙන පීරිසිය
• රැහැන් රහිත විදුලි සම්ප්‍රේෂණය
• ඔහු ට්‍රාන්සිස්ටරය සම්බන්ධ මූලික සොයාගැනීම්.
• අදටත් පරීක්ෂණ මට්ටමේ ඇති Cryogenic Engineering පිළිබඳව ඔහු පරීක්ෂණ කළේය.(වසර 100කට පෙර)
• අභ්‍යාවකාශයෙන් එන ගුවන්විදුලි තරංග රෙකෝඩ් කල ලොව පළමු විද්‍යාඥයාය.
• භූමිකම්පා නිපදවිය හැකි යන්ත්‍රයේ නිර්මාණකරු. (මෙහි පරීක්ෂණ කරන විට මුළු නිව්යෝක් නගරයටම භූමිකම්පාව දැනී ඇත. මෙම තාක්ෂණයෙන් (HAARP) කාළගුණයද  පාලනය කලහැකි අතර ලෝකයේ භයානකම ආයුධය ලෙස සැලකේ)
• පෘථිවියේ අනුනාද සංඛ්‍යාතය සොයාගත් විද්‍යාඥයා (මෙම අගය නිවැරදි බව තහවුරු කරගැනීමට පමණක් ලෝකවාසී විද්‍යාඥයන්ට තවත් වසර 50ක් ගතවිය).
• බෝල අකුණු ඇතිවන ආකාරය තවමත් විද්‍යාඥයන්ට නිශ්චිතව කිව නොහැක. නමුත් 1890 කාලයේදී ටෙස්ලා බෝල අකුණු නිර්මාණය කලේය.

ටෙස්ලා මිය යන්නේ 1943 දී නිව්යෝකර් හෝටලයේ ඔහුගේ කාමරය තුලදී, තනිවම. ඔහු මිය ගොස් ඇති බව හෝටල් සේවකයින් දැන ගන්නේ දිනකට හෝ දෙකකට පසුව. ඒත් සමගම ක්‍රියාත්මක වන ඇමරිකන් ආණ්ඩුව ටෙස්ලාගේ සියලුම ලිපි ගොනු තමන් භාරයට ගන්නවා. ඒ හේතුවක් ඇතුව. එය දෙවන ලෝක යුද්ධය පැවතුනු කාලය. ටෙස්ලා කරපු ඇතැම් පරීක්ෂණ සතුරා අතට පත් උනොත් ඉතාමත් විනාශකාරී වන බව ඔවුන් දැනගෙන සිටියා.

ටෙස්ලා එදා ඉදිරිපත් කළ සංකල්ප බොහොමයක් මනස්ගාත එකල ලෙස සමාජය විසින් බැහැර කලත් නවීන ලෝකයේ සියයට අසූවක් පමණම භාවිතා වන්නේ එම සංකල්ප. එහෙත් ටෙස්ලාට ඒවායේ ගෞරවය නිසි පරිදි ලැබෙනවාද යන්න සැක සහිතයි. අනාගතයේ නිසැකවම ඇති විය හැකි බලශක්ති අර්බුදය (ඛනිජ තෙල්, ගල්අඟුරු වැනි දේ නැවත උත්පාදනය නොවන සම්පත් බැවින්) ගැන අනුමාන කරන ටෙස්ලා, විකිරණ බල ශක්තිය හඳුන්වා දෙනවා. විශ්වයෙන් අපට ලැබෙන අසීමිත ශක්තිය ප්‍රයෝජනයට ගැනීම සඳහා සූර්ය කෝෂ නිපදවීම ඇරඹෙනවා. ටෙස්ලා අනාගතයේ ජිවත් වුනු කෙනෙක්.  ඔහු "වැරදි කාලයක ඉපදුන නිවැරදි මිනිසෙකු" බව මම කලින් කීවේ ඒ නිසයි. අද කාලෙයේ නම් මෙවැනි සංකල්ප ඉදිරිපත් කරන්නෙක් මහා ධනවතෙකු වනු නියතයි. ඒත් ටෙස්ලා ජිවත් වුනේ දුප්පතෙක් විදියට. සියවසක පමණ අනාගතයට සරිලන පරීක්ෂණ වෙනුවෙන් මුදල් වියදම් කළ නිසා නැවත ඉපැයීමක් සිද්ධ උනේ නැහැ. ඔහුගේ සොයාගැනීම් වලට අන් අය පැසසුම් ලබද්දී, ටෙස්ලා කළේ කිසිම දෙයක් බලාපොරොත්තු නොවී තව තවත් අසිරිමත් දේ ලොවට දීම සඳහා තම මුදල්, කාලය කැප කිරීමයි. ටෙස්ලාට ගෞරවයක් ලෙස බර හා කිරුම් පිළිබඳ මහා සම්මේලනය චුම්බක ෆ්ලැක්ස් ඝනත්වයේ SI ඒකකය ටෙස්ලා ලෙස නම් කරන ලදි. ජූලි 10, ටෙස්ලා දිනයයි. ඔහු වෙනුවෙන් අවුරුද්දේ දින කොපමණ වෙන් කළත් වරදක් නැතැයි මට සිතේ.

ශ්‍රී ලංකාවේ බලපෙරලිය ගැන බුකියේ පළවුන රසකතා.

ඊයේ (26) ලංකා ඉතිහාසයේ විශේෂ දවසක්. ඒ නව ශ්‍රී ලංකා නිදහස් පක්ෂය ආණ්ඩුවෙන් ඉවත් වීම හා අගමැති ලෙස මහින්ද රාජපක්ෂ මහතා මෛත්‍රීපාල සිරිසේන මහතා ඉදිරියේ දිව්රුම් දීම නිසයි. මේ බල පෙරළියෙන් රටම උණුසුම් වුනා වගේම අපේ කොල්ලෝ කෙල්ලෝ තරගෙට ඒ පිලිබදව පෝස්ට් දැම්ම. මේ ඒ විදියට හුවමාරු වුන පෝස්ට් එකතුවක්.

සයිබර් ආරක්ෂාව සඳහා දැන සිටිය යුතුම කරුණු.

වෙළදාම්,සන්නිවේදනය,තාක්ශණික,සේවා ආදී විවිධ පුළුල් සෙවා පරාසයන් මෙන්ම සෙවා ලබා ගන්නන් පවා සිටිනවා. යම් අවස්ථා වල දී අප කිසි දා දැක නැති පුද්ගලයන් සයිබර් අවකාශය හරහා අපට විශ්වාස කිරීමට සිදු වනවා. තව දුරටත් සදහන් කළොත් අන්තර්ජාලය අපරාධ  කටයුතු සදහා භාවිතා කරන හැකර්වරුන් ද සිටින නිසා මා මෙන් ම ඔබ ද සයිබර් අවකාශය තුළ ආරක්ෂා කාරි වීම අතිශය වැදගත් කරුණක්. නමුත් සියලුම හැකර්වරුන් අපරාධ  කරුවන් නොවන බවද අප මතක තබාගත යුතුයි. හැකර්වරුන් කටයුතු කරා ආකාරය අනුව White Hat Hackers, Gray Hat Hackers හා  Black Hat Hackers ලෙස ප්‍රදාන ආකාර තුනකට බෙදා දක්වන අතර මින්  Black Hat Hackers කියන්නේ වර්තමානයේ ලෝකයටම හිසරදයක්. දිනෙන් දින සයිබර් ප්‍රහාර ප්‍රමාණය වර්ධනය වද්දී ඒවා මැඩපැවැත්වීමට ආරක්ෂක ක්‍රමවේදයන්ද නිර්මාණය වෙනවා. නමුත් ඒ හැමදේම අභිබවා යන්නට සමත් Black Hat Hackers ලොව පුරා සිටිනවා. හේතුව කුමක්ද? සියළුම පද්ධති,ආරක්ෂක ක්‍රමවේදයන් මිනිසාගේ නිර්මාණයන්ය. ඒ හැම එකකම පිටතට නොපෙනෙනා දෝෂ තිබිය හැකිය. Black Hat Hackers කරන්නේ එම දෝෂ තම වාසියට හරවාගෙන භාවිතා කිරීමයි. එනම් ආරක්ෂාවේ තිබෙන සිදුරු තුලින් රිංගා යෑමයි. කිසිදු පද්ධතියක් 100% ආරක්ෂිත නැතැයි කියන්නේ ඒ නිසාය.

පහත දැක්වෙන්නේ සයිබර් තර්ජනයන්ගෙන් ඔබට ආරක්ෂා වීම සඳහා ගතහැකි වඩාත්ම වැදගත් ක්‍රියාමාර්ග කීපයකි. ඔබේ ව්යාපාරයේ සහ ඔබේ ආරක්ෂක තත්ත්වය වැඩිදියුණු කරගත හැකි ආකාරය පිළිබඳ ප්රායෝගික උපදෙස් රාශියක් මෙම ලිපියේ ඇතුළත් වේ.

01. සෑමවිටම පහරදීමක් අපේක්ෂා කරන්න.

ඔබ කිසි විටෙකත් ප්රහාරයට ලක්වීමට තරම් "වැදගත් නොවේ" යැයි සිතන්න එපා. ඔබේ ව්‍යායාපාරය කුඩා හෝ විශාල බව වත්, ඔබ කොතරම් වැදගත් පුද්ගලයෙකු ද යන්නවත් ඔව්න්ට වැදගත් නැත, ඔව්න්ට වැදගත් වන්නේ ඔබ සතුව කෙතරම් වටිනා හා වැදගත් තොරතුරු පවතීද යන්නයි (මුරපද, සේවාදායක දත්ත, ඊමේල්, ආදිය)  එසේ නම් ඔබද ඔව්න්ගේ  ආකර්ෂණීය ඉලක්කයකි. මීට හොදම  උදාහරණය පසුගිය වසෙරේ වේගයෙන් ව්‍යාප්තවූ ransomware තර්ජනයයි එය සයිබර් තර්ජනයකට පත්වීමට නිශ්චිත ඉලක්කයක් වීමට අවශ්ය නොවන බව පෙන්වා දී ඇත. ඔබට ඇති තර්ජන සහ ඔබේ වත්කම් පිලිබදව දැනගන්න, ඔබසතු දේ ආරක්ෂා කිරීමට ප්රායෝගික පූර්වාරක්ෂාවන් අනුගමය කරන්නා.

02. ශක්තිමත් මුරපද හා  2 Factor verification භාවිතා කරන්න.

ශක්තිමත් මුරපදයක් භාවිතා කරන්න, ඔබ ව්‍යාපාරිකයකු නම් ඔබගේ සේවකයින්ටද එලෙස කිරීමට උපදෙස් දෙන්න. කැපිටල් සිම්පල් අකුරු සහ සිම්බල් හා අංකද ඇතුළත් කර ඒවා හැකි තරම් අහඹු ලෙස හා ප්රමාණවත් ලෙස යොදා මුරපද සාදන්න. මුරපද කළමණාකරුවෙකු භාවිතා කිරීමව (Password Manager Software) සහ ඇතිවීමට යන අවදානම් පිලිබදව අවදායෙන් සිටින්න.

03. නිතරම ඔබේ දත්ත උපස්ථ (Backup) කරන්න.

සයිබර් පහරදීමක දී ඔබගේ දත්ත අහිමි නොවන බවට වග බලා ගැනීම සඳහා දැඩි ආරක්ෂිත උපක්රමය ක්රියාත්මක කරන්න. මෙය විශේෂයෙන්ම ransomware වැඩිවීම සමඟ විශේෂයෙන්ම වැදගත් වේ. ඔබේ දත්ත නිතරම උපස්ථව තබා ගැනීම සහ ජාලයෙන් පිටත ස්ථානවල (Offline) තුළ දත්ත ගබඩා කරන්න. මෙම පද්ධති සඳහා ඔවුන්ට ප්රවේශ වීමක් නොපෙනෙන ලෙස නිරන්තරයෙන් පරීක්ෂාවට ලක් කිරීම, සහ වඩාත්ම වැදගත් ලෙස, රක්ෂිතයන් නිවැරදිව සිදුකරන බවට නිරන්තරයෙන් පරීක්ෂා කර ඇති අතර, දත්ත ප්රතිස්ථාපන ක්රියා පටිපාටිය සැබවින්ම ක්රියාත්මක වේ.

04. ඉවත් කළ හැකි මාධ්ය (removable media) සමග ප්රවේශම් වන්න.

ආසාධිත ෆ්ලෑෂ් ඩ්රයිව්, බාහිර දෘඪ තැටි සහ ස්මාර්ට් ෆෝන් වැනි මෘදුකාංග හරහා පහසුවෙන්ම පැතිර යා හැකිය. මෙම ඉවත් කළ හැකි මාධ්ය (removable media) උපකරණ සියල්ලම පරිගණකයට සම්බන්ද කිරීමට පෙර විස්වාසවන්ත ප්‍රති වෛරස මෘදුකාගයක් (Anti Virus / Virus Guard) මගින් පරීක්ෂාකරන්න.

05. මෙහෙයුම් පද්ධතිය සහ මෘදුකාන්ග යාවත්කාලින කරන්න.

ශ්‍රී ලන්කාවේ පරිගණක භාව්තා කරන්නන්ගෙන් 90% ක් පමන භාවිතා කරන්නේ Windows  මෙහෙයුම් පද්ධතියයි.(XP,vista,7,8,8.1,10). වැදගත්ම දේ වන්නේ ඔබ භාවිතා කරන Os එක යාවත්කාලීන කර තබාගැනීම වේ. පසුගිය වසෙරේ පෙබරවාරී මාසයේ රැන්සම්වෙයාර් නමින් ඇතිවූ වයිරස් ප්‍රහාරයට ලොව ප්‍රමුඹ පෙලෙ රටවල් මෙන්ම ශ්‍රී ලංකාවටද මුහුන දීමට සිදුවුනා. එහිදී පරිඝනක වල ඇති දත්ත හැකර්වරුන් විසින් Encrypt කළ අතර එවා නැවත Decrypt කිරීම සදහා විශාල මුදලක්ද ඉල්ලා සිටියා.ඔවුන් මෙය නිර්මාණය කලේ වින්ඩොස් මෙහෙයුම් පද්ධතීයේ ඇති දුර්වලතා හදුනාගනිමින් වීම ද තවත් විශේෂ කරුණක්.එම නිසා  ඔබගෙ පරිඝනකයේ මෙහෙයුම් පද්ධතිය මෙන්ම මෘදුකාන්ග ද යාවත්කාලින කර ගැනීම අතිශය වැදගත් කරුණක්.

06. පරිශීලක ගිණුම් අධීක්ෂණය කිරීම සහ ඒවාට පිවිසීමේ වරප්රසාද සීමා කරන්න.

මෙය ව්‍යාපාරයකට ඉතා වැදගත් වන්නේ. ඔබේ සේවකයන්ට ඔවුන්ගේ රැකියාව සඳහා අවශ්ය තොරතුරු වලට ප්රවේශ වීමට අවසර දිය යුතුය. නමුත් ඔව්න්ට අවශ්‍ය තොරතුරු වලට පමණක් ප්‍රවේශ වීමට හැකි පරිදි එය සැකසිය යුතුය. එමෙන්ම වරප්රසාද ලත් පරිශීලක ගිණුම් ප්‍රමාණය සීමා කිරීම සහ ඔව්න්ගේ ක්රියාකාරකම් අධීක්ෂණය කිරීමද කලයුතුය. සේවකයාට ඉවත්ව යන විට ඔවුන්ගේ අවසරය ඉවත් කර දැමිය යුතුය.

මෙය පුද්ගලයන්ට වැදගත් වන්නේ ඔව්න්ගේ පුද්ගලික ගිණුම් තොරතුරු අන්අයට ලබානොදීමත්, ඒවා නිසිලෙස අදීක්ෂණය කිරීමත්, කලයුතු බැවිනි.

07. ඔබේ කාර්ය මණ්ඩලය දැනුවත් කර ඔවුන්ගේ දැනුවත්භාවය පරීක්ෂා කරන්න.

ඔව්න් රැකියාවෙහි සහ නිවසේදී මුහුණ දෙන සයිබර් තර්ජන ගැන ඔබේ සේවකයන් දැනුවත් කරන්න. ඔවුන් සයිබර් ප්රහාරකයන් සඳහා ආකර්ෂණීය ඉලක්කයක් සහ ඔවුන්ට සැක කටයුතු ක්රියාකාරකම් හඳුනා ගත හැක්කේ කෙසේද යන්න පිලිබදව ඔවුන්ට පැහැදිලි කරන්න. ඔව්න් තෙවන පාර්ශ්වයන් හෝ සමාජ මාධ්ය සමඟ බෙදා නොගත යුත්තේ කුමන වර්ගයේ තොරතුරු ද යන්න දැනුවත් කරන්න. සමාජ ඉංජිනේරු (social engineering) සහ තතුබෑම් (phishing) පිළිබඳ සංකල්ප ඔවුන්ට පැහැදිලි කර දෙන්න. වෛරස පැතිර යා හැකි ආකාරය පිලිබදව අවබෝදයක් ලබාදෙන්න, මුරපද සුරැකීමේ (password) වැදගත් බව හා හෝටල්, දුම්රිය හෝ කැෆේහි පොදු රැහැන් රහිත ජාලවලින් (WIFI) අවදානම් බව විස්තර කරන්න. ඔබේ සේවකයින්ගේ දැනුවත්භාවය පරීක්ෂා කිරීම සහ ඔබ සපයන අධ්යාපනය ප්‍රමාණවත් දැයි තක්සේරු කරන්න.

08. ඔබේ පද්ධති ආරක්ෂා  කර ඒවා යාවත්කාලීන කරන්න.

සර්වර්, වැඩපොළ, ලැප්ටොප් පරිගණක සහ වෙනත් ජාල යටිතල පහසුකම් සඳහා ශක්තිමත් හා ආරක්ෂිත ප්රමිතීන් ඇති කිරීම වැදගත් වේ. අනාරක්ෂිත පරිසරයන් අනවසර පරිශීලකයන් හට අනවසර පිවිසුම් ලබා ගැනීමට ඉඩ සලසයි, සියලු පද්ධතිවල ආරක්ෂිත මානකරනය පවත්වාගෙන යාම සහ සහතික කිරීම වැදගත් වේ. සෑම විටම ආරක්ෂිත පැල්ලම් (security patches) භාවිතා කර ඔබගේ පද්ධති සහ යෙදුම් සෑම මොහොතකම යාවත්කාලීන කර තබන්න.

09. නොදන්නා Application Install කර ගැනීමෙන් වලකින්න.

සයිබර් ආරක්ෂාව පිළිබද නොසැලලිළිමත් වන බොහෝ පුද්ගලයන් තවත් පුද්ගලයෙකු විසින් ලබා දෙන ඇප් එකක් තමන්ගේ දුරක්ථනයේ Install කිරීමට දෙවතාවක් නොසිතයි. යම් අවස්ථාවල දී එම ඇප් ඔබගේ දුරකථනයට හානි කර එවා මෙන්ම ඔබගේ දුරකථනයේ ඇති පුද්ගලික දත්ත සොරා ගැනීමට හැකී ඇප්ලිකේශන් එකක් විය හැකිය.තවත් පිරිසක් මිළදී ගැනීමට ඇති ඇප්ලිකේශන් විවිධ ස්ථාන වලින් නොමිලේ  වන්චා සහගත ලෙස බාගත කර ගනී.නමුත් ඔබ නොදැනුවත්ව  එම ඇප් මගින් ඔබගේ දුරකථනයේ ඇති සියලු දත්ත සොරා ගැනීමට හැකිය.ඔබ නොදන්නා ඇප් කිසිදු සෙවීමකින් තොරව ඔබගේ දුරකථනයේ Install කර ගැනීමෙන් වලකින්න.

10. බාගත කිරීම් වලදී පරිස්සම් වන්න.

ඔබගේ පරිඝනකය සදහා ඔබට යම් කිසි මෘදුකාන්ගක්  බාගත කිරීමට අවශ්‍ය වූවා යැයි සිතන්න. නමුත් ඔබ එය බාගත කිරීමේදී ඔබට අවශ්‍ය මෘදුකාන්ගය නොව ඔබට අනවශ්‍ය වෙනත් ගොනුවක් හෝ මෘදුකාන්ගයක් බාගත වෙනු දැකගත හැකිය.එවැනි අවස්ථ පිලිබදව සැලකිල්ලෙන් පසුවන්න.ඔබ නොදන්න විවිධ මෘදුකාග්න ඔබගේ නොදැනුවත් කමින් බාගත වී අවසානයේ එය වයිරස් එකක් ලෙස ඔබගේ උපාන්ගය විනාශ කිරීමට පමනක් නොව එහි ඇති දත්ත සොරා ගැනීමටත් සමත්වෙනු ඇත.

මහ එළිය හෙවත් හෝටන් තැන්න

1833 දී පමණ ඉංග්‍රීසි ජාතික කපිතාන් විලියම් පිෂර්, කර්නල් ඇල්බට් වොට්සන් යන දෙදෙනා විසින් පිදුරුතලාගල මුදුනේදී ඉතාමත් සුන්දර තැනිතල භූමියක් දැක එය සොයා ගමන් කර තිබෙනවා. මේ අනුව තමයි මොවුන් දෙදෙනා මහ එළිය නම් අපූරු බිම්කඩ සොයාගන්නේ. අඩි 4000ක පමණ ප්රපාතාකාර බෑවුමකින් සහිතවා මුහුදු මට්ටමේ සිට මීටර් 1200-2300 පමණ උසින් මධ්යම කදුකරයේ පිහිටා ඇති මෙයට හෝටන් තැන්න යන නාමය ලැබී ඇත්තේ ඒ කාලේ සිටි රොබට් හෝර්ටන් ආණ්ඩුකාරවරයා මෙහි  සංචාරය කළ පසුවයි. පසුව මෙය සුද්දන්ගේ ගෝනුන් දඩයම් කරන බිමක් වශයෙන් ජනප්‍රිය වුණා. එංගලන්තයට සමාන දේශගුණයක් මෙහි පැවතීම නිසා මෙම බිම්කඩට ඔවුන් ඉතා ප්‍රිය කළා. මෙම බිම්කඩට නම ලැබීම පිළිබදවද ඉතා රසවත් අතීත කතාවක් පවතී,රාවණා රජු සීතා කුමරිය පැහැරගෙන විත් දඬු මොනරය ගොඩ බැස්වූ ස්ථානය තොටුපළ කන්ද ලෙස හදුන්වන බව ද, ඒ ගොඩ බැස්වීමේදී නිකුත් වූ මහා ආලෝක ධාරාව නිසා එය දිස් වූ අවට ප්‍රදේශය මහ එළිය නමින් හඳුන්වන බව ද හෝර්ටන් තැන්න ගැන ජන වහරේ ඇති කතා වල දැක්වේ.

මහ එළිය හෙවත් හෝටන් තැන්න වනාහී දෙස් විදෙස් කාගේත් නෙත් සිත් ආකර්ශනය කළ ශ්රී ලංකාවේ පිහිටි අති සුන්දර භූමියකි. ඉමක් දැකිය නොහැකි ගෝලිය වස්තුවක් වූ මෙය ජෛව විවිධත්වයෙන් මෙන්ම පුරා විද්යාත්මක වටිනා කම අතින් ද ඉතා විශේෂ අසිරිමත් වූ ජාතික වනෝද්යානයකි.  මෙම අති සුන්දර ජෛව විවිධත්වයෙන් යුතු වූ සීතල නුවර එළියේ පිහිටි වනෝද්යානය ශ්රී ලංකාවේ තෙත් කලාපයේ පිහිටි එකම ජාතික වනෝද්යානය ලෙස 1969 දී මෙය නම්කළ අතර ම නොයෙක් විද්වතුන් ‍මෙය විවිධාකාරයෙන් අර්ථ දක්වා ඇත. එල්.සී කුක් (1930)නිරක්‍ෂිය වනාන්තර හා පහත් තණ බිම් කාණ්ඩයට ද, චැමිපියන් (1936) කදුකර වනාන්තර ලෙසට ද, චැප්ටන් (1947) නිවර්තන සදා හරිත වනාන්තර ලෙසට ද හදුන්වා ඇත. මීට අමතරව මෙය ලංකාවේ පිහිටි උසම තැනි තලා භුමිය ද වේ.

මෙහි වනාන්තරය දෙස අවධානය යොමු කළ හොත් එම වනාන්තර කුරු වනාන්තර වල ස්වභාවය දරයි. එය එසේ වී ඇත්තේ එම ප්‍රදේශයේ ඇති දැඩි සුළඟට ඔරොත්තු දිය හැකි වන පරිදිය. විශේෂයෙන් ජූනී මාසය වන විට පැයට කිලෝ මීටර 31 ක පමණ වේගයෙන් සුළඟ හමන බව පැවසේ. මෙහි ශාක සාමාන්‍යයෙන් මීටර 12-15 ක් පමණ උසට වැඩෙන අතර ගස් මුදුන කුඩයක හැඩයන් ගනු ලබයි.1992 දී සිදුකරණ ලද පර්යේෂණවලට අනුව මෙහි ශාක විශේෂ 101 ක් පමණ ඇත. ඉන් 49 ක්ම ශ්‍රී ලංකාවට පමණක් ආවේනික ඒ වාය. බහුතරයක් හෝටන් තැන්නට පමණක් ආවේනික ඒවා වීම විශේෂ වුවකි. ඇතැමුන් මෙහි පොදු ශාකය ලෙස වල් කදුරු (innamounonalifolium) හඳුන්වන අතර ඇතැමුන් දඹ (Syzygium ravolutum) යැයි පවසති. හෝටන් තැන්නේ ශාක ඝනත්වය එනම් හෙක්ටර්යාර එකක ඇති ශාක සංඛ්‍යාව 2.861 කි. මෙහි පක්ෂීන් විශේෂ 98 ක් ද ක්ෂීරපායින් විශේෂ 14 ක්,උභය ජීවීන් විශේෂ 16-20 ක් පමණ ද, සමනල විශේෂ 40 ක් ද දැනට හඳුනාගෙන ඇත.

හෝටන් තැන්න පිළිබඳ ව කරන ලද පුරාවිද්යාත්මක පර්යේෂණ දෙස අවධානය යොමු කළහොත් 1992 අරබණ ලද පර්යේෂණවලදී හෝටන් තැන්නේ අතීත පාරිසරික තත්වය ,දේශගුණික තත්වය ,හා පැළෑටි වල ඉතිහාසය කෙරෙහි අවධානය යොමු කර තිබුණි.කැළණිය විශ්ව විද්යාලයේ පුරාවිද්යා පශ්චාත් උපාධි ආයතනයේ ස්වීඩනයේ ස්ටොන්හොම් විශ්ව විද්යාලයේ චතුර්තක භූ ගර්භ විද්යා ආයතනය හා උත්සලා විශ්ව විද්යාලයේ විද්වතුන් එකතු ව මෙම පර්යේෂණ සිදු කරන ලදි. ජ්යේෂ්ඨ කථිකාචාර්ය ප්රේමතිලක මහතා සඳහන් කරන ආකාරයට මෙහි දී සොයා බලන ලද්දේ ලෝකයේ අවසාන ම අයිස් යුගයේ එනම් ප්ලයිස්ටොසීන යුගයේ ලංකාවේ පැවති පාරිසරික තත්වය පිළිබඳවයි. මෙහිදී අනාවරණය කර ගත් තොරතුරු අතර වසර 20000 කට පමණ පෙර ලංකාවේ කඳුකර වැසි වනාන්තරවල ස්වභාවය මීවනශාක වල තත්වය මිනිසා ඇසුරේ වැඩුණ ශාක ක්රි.පූ.8000 තරම් ඈත යුගයේ වගා කටයුතු ආදිය පිළිබඳව ලත් තොරතුරු ලක් ඉතිහාසයට වැදගත්ය. මෙහි දක්නට ලැබෙන යෝධ මී වන හා මහ රත් මල ඉතා ඈත අතීතයේ සිටම පැවති ඒ වාය. එමෙන්ම මීට වසර 9000 කට පමණ පෙර පරිසර උශ්නත්නය ඉහළ යාම නිසා වර්ෂාපතනය අධික වී විවිධ ස්ථානවල ඇති වූ ජලාශ හෝටන් තැන්නේ ද ඇති වූ බව සොයා ගැනුණී.මෙහි මධ්ය ශිලා යුගයේ (Mesolithc Man)මානවයා වාසය කළ බවත් ඔවුන් කෘෂිකාර්මික යුගයට පරිවර්තනය වූ බවත් මේ ආශ්රිතව කෙරුණ පර්යේෂණ වලින් සොයා ගෙන ඇත.

ලෝක උරුමයක් මෙන්ම ඉතාමත් වැදගත් පාරිසරික පද්ධතියක් වන හෝර්ටන් තැන්න රැකගැනීම දේශීය මෙන්ම විදේශීය සංචාරයකයන්ගේද වගකීමයි. දිනකට විශාල පිරිසක් හෝර්ටන් තැන්නේ සංචාරය කරන හෙයින් අපද්‍රව්‍ය බැහර කිරිමේදී වැඩි වශයෙන් අවධානය යොමුකළ යුතුයි. හෝර්ටන් තැන්නට පිවිසීමේදී පොලිතින් මෙන්ම ප්ලාස්ටික් රැගෙන වනෝද්‍යානයට ඇතුළත් වීම තහනම් වන හෙයින් එම නීතිරීති අකුරටම පිළිපැදීම වගකිවයුතු සංචාරකයෙකු වශයෙන් ඔබ සිදුකළ යුතුම කාර්යයක්ද වෙනවා.එමගින් මෙවන් වටිනා උරුමයන් අපගේ අනාගත පරපුරත් සුරක්ෂිතව දැකබලා ගැනීමට අවස්ථාව උදාවෙනු ඇත.

කළු මරණය හෙවත් මහාමාරිය (Black Death Plague)

කළුමරණය (Black Death) යන නමින් හැදින්වුණ මහාමාරිය (Plague) රෝගය ඉතිහාසයේ මිනිස් වර්ගයා ගොදුරු කරගත් විශාලම ව්‍යසන වලින් එකකි. 1346–1353 අතර කාලයේදී, යුරෝපයේ සහ ආසියාවේ මිලියන 75-200 අතර ජන සංඛ්‍යාවක් මේ හේතුවෙන් මියගිය බවට වාර්තා වෙයි.එය මුළු යුරෝපා ජනගහනයෙන් 60% පමණ බව සදහන් වේ.(දෙවැනි ලෝක යුද්දෙදි මිය ගිහින් තියෙන්නේ මිලියන 50- 80යි 

මෙම වසංගත රෝගය මුලින්ම හටගෙන තියෙන්නේ චීනයේ ඊට ඉන්පසු ඉන්දියාවටත් සේද මාර්ගය ඔස්සේ ගමන් ගත් නැව් මාර්ගයෙන් යුරෝපයට පැතිරීමට හේතුව වුයේ ආසියාවේ සිට එහි ගිය ඉතාලි ජාතික නැවියන් විසින් යැයි සදහන් වේ. 

මේ රෝගය වියාප්ත වන්නේ මීයන් මගිනි, මහාමාරිය රෝගයෙන් පෙළෙන මීයන් මිනිසුන්ව සපා කෑමෙන්ද සිරුරේ වසන මැක්කන් මිනිසුන්ට දෂ්ට කළ විට මැක්කන් තුළ වූ රෝග බීජ මිනිස් සිරුරට ඇතුළු වීමෙන්ද මිනිසා රෝගී කරයි. 

මෙය කළු මරණය ලෙස හැදින්වුයේ රෝගීන්ගේ සිරුර පුරා කළු පැහැති පුල්ලි මතු වීමත් එයින් මිය ගිය අයගේ සිරුරු බෙහෙවින් කළු පැහැ ගැනීමත් නිසාය. එම කාලයේ විසූ කිසිම වෛද්‍යවරයෙකු වෙත රෝගය පිළිබද අවබෝධයක් හෝ ඊට ප්‍රතිකාර පිළිබද දැනුමක් නොවීය. මෙය බැක්ටිරියා ආසාදනයක් උවත් එකල ප්‍රතිජීවක(Antibiotics) නිපදවා නොමැති වීමත් නිසා ඉතා ඉක්මණින් මේ රෝගය පැතිරීමට හේතු වී ඇත.

මුල් අවස්ථාවේදී ඉස්මතු වූ රෝග ලක්ෂණ නම් අඩු නොවන උණ සහ ලේ වමනය කිරීමයි. මීට ගොදුරු වූ කෙනෙක්ට දින තුනකින් සිය දිවිය අහිමි විය. ග්‍රන්ථි මහාමාරිය, වසංගතයේ ඉතිරි කාලය තුළ පැවතිණ. මේ අවස්ථාවෙහිදීත් අඩු නොවන උණ රෝග ලක්ෂණයක් වූ අතර, බාහිර අංගයන්හි, විශේෂයෙන් කිහිල්ලේ සහ ඉකිලිවල සාරේ සහිත ගෙඩි සහ ලොකු බිබිලි හටගැනිණ. මින් පෙළුණු යමෙක් දින පහකින් මිය ගියේය.” දිනෙන් දින වර්ධනය වූ මෙම වසංගතය හමුවේ එකල වෛද්‍යවරු අසරණ වූහ.

ඊට අමතරව ආගමික බලපෑම් හේතුකොටගෙන පොදු ජනතාවගේ ආකල්පය වූයේ මේ රෝගය දෙවිගෙන් ලත් දඬුවමක් ලෙසය ඒ නිසා මෙම ව්‍යසනය පාලනය කිරීමට ඔවුන් මැලි කමක් දැක්වුහ. මහාමාරිය බෝ වූ ආකාරය පිළිබඳ නිවැරදි වැටහීමක් නොතිබුණු නිසා එකල ඉතාලි වැසියන් වසංගතය පැතිරවීම බළලුන් හා බල්ලන් මගින් සිදු කරන බව සිතා මේ සතුන්ව මරා දැමීම නිසා මීයන් තව තවත් පැතිර යන්නට විය.

ප්‍රංශ ජාතික ක්ෂුද්‍ර ජීවීන් පිළිබඳ විශේෂඥයෙකු වූ අලෙක්සෝන්ද්‍ර යර්සැන් මහාමාරි උවදුරට හේතුකාරක වූ බැක්ටීරියාව සොයාගත්තේ 1894දී පමණය. ඔහුව සිහි කිරීම සඳහා එයට නම් තැබුවේ යර්සැනියා පෙස්ටිස් යනුවෙනි. 

මීට වසර හතරකට පසුව, පෝල්-ලුවී සීමොන් නමැති තවත් ප්‍රංශ ජාතිකයෙකු රෝගය පැතිරවීමට (මීයන් වැනි ලෑටිගාන සතුන් පිට වෙසෙන) මැක්කන්ද හවුල් වන ආකාරය සොයාගත්තේය. සුදුසු එන්නතක් වැඩි දියුණු වූ අතර, සීමිත ආකාරයකින් වූ නමුත් යම්කිසි සාර්ථකත්වයක් ඉන් අත් විය.

(2010 තිරගත උන Black Death කියන ෆිල්ම් එකේ එංගලන්තයේ උන සිදුවීම් පෙළක් කතාවේ තියෙන්නේ කැමති කට්ටිය බලන්න.)
තොරතුරු ලබාදුන්නේ Executer සහෝදරයා විසිනි.

සුදු වර්ණය සහ ගුවන් යානා.

ඔබ විවිධ රට වල විවිධ ගුවන් සමාගම් වලට අයත් ගුවන් යානා විශාල ප්‍රමාණයක් දැක තිබෙනවා නේද? මෙම සෑම ගුවන් යානයකටම පාහේ පොදු ඌ යම් කරුණක් ඔබේ මතකයට නැගෙන්නේද?

දැනට ලෝකයේ ගුවන් සමාගම් විසින් මෙහයවනු ලබන ගුවන් යානා වලින් හරි අඩක්ම පාහේ කල් බදු පදනම මත ලබා ගත් ගුවන් යානා වන අතර මෙලෙස කල් බදු පදනම මත ලබා ගන්නා ගුවන් යානයක් ගුවන් සමාගම වෙත ලැබෙන්නේ සම්පූර්ණයෙන්ම සුදු වර්ණය ආලේප කිරීමෙන් පසුවයි. ඉන් පසු ගුවන් සමාගම විසින් ඔවුන්ට අවශ්‍ය පරිදි ගුවන් යානය වර්ණ ගැන්විය හැක. බොහෝ විට ගුවන් සමාගම් වල අභිප්‍රාය වන්නේ ගුවන් යානායේ ඔවුන්ගේ ලාංඡනය හා නාමය පින්තාරු කර වැඩි කොටසක් සුදු වර්ණයෙන් පින්තාරු කිරීම හෝ පෙර පැවති සුදු වර්ණය එලෙසම තිබීමට හැරීමයි. නමුත් මෙලෙස කිරීමෙන් ඇති වාසිය කුමක්ද?

ඉහත කී ආකාරයෙන් ගුවන් යානා පින්තාරු කිරීමෙන් ගුවන් සමාගමකට වාසි විශාල ප්‍රමාණයක් අත් කර ගත හැක. මෙම වාසි අතරින් ප්‍රධානතම කාරණයක් වන්නේ සුදු වර්ණයේ විවර්ණ වීම අනෙක් වර්ණ වලට සාපේක්ෂව ඉතා අඩු ශ්‍රීඝ‍්‍රතාවයකින් සිදු වීමයි. ගුවන් යානයකට සෑම විටම හිරු රශ්මිය පතිත වන අතර එහි ඇති පාර ජම්බුල(Ultraviolet) කිරණ මගින් ගුවන් යානයේ ආලේප කර ඇති තීන්තවල වර්ණය විවර්ණ වීමකට ලක් කරයි. සුදු වර්ණය යම් විවර්ණ වීමකට ලක් උවද එය අනෙක් වර්ණ මෙන් කැපී නොපෙනෙයි.

සුදු වර්ණය යොදා ගැනීමට හේතු වන තවත් කරුණක් අපගේ පාසල් ජීවිතයෙන්ම උගත හැකියි. මතකද ඔබට ඔබේ පාසල් නිල ඇඳුමේ වර්ණය? පාසල් නිල ඇඳුම සුදු වර්ණයෙන් යුතු රෙදි වලින් මැසීමට හේතු වන එක් කරුණක් වන්නේ සුදු වර්ණය ඉතා අඩු වශයෙන් ආලෝක තරංග උරා ගැනීමයි. සුදු වර්ණයෙන් යුතු පෘෂ්ඨයක් මත ආලෝක තරංග පතිත වූ විට එම පෘෂ්ඨය එම තරංග වලින් වැඩි ප්‍රතිශතයක් පරාවර්තනයට ලක් කරයි. නමුත් අනෙක් වර්ණයන්ගෙන් යුතු පෘෂ්ඨ එම තරංග යම් ප්‍රමාණයකට අවශෝෂණය කරන හෙයින් එම අවශෝෂණය වූ තරංග වල ශක්තිය හේතුවෙන් එම පෘෂ්ඨයේ උෂ්ණත්වය යම් ප්‍රමාණයකට ඉහළ යාමකට ලක් වෙයි. මෙම උෂ්ණත්ව උච්චාවචනය හේතුවෙන් ගුවන් යානා අභ්‍යන්තරයේ(cabin) උෂ්ණත්වයද ඉහළ යයි.

ඕනෑම ගුවන් සමාගමක අභිප්‍රාය වන්නේ වැඩි ලාභයක් ඉපැයීම වන අතර එසේ වැඩි ලාභයක් ඉපැයීමට නම් අනවශ්‍ය වියදම් හැකි තරම් අවම කල යුතුය. විවිධ වර්ණයන්ගෙන් ගුවන් යානය පින්තාරු කිරීමට ඉතා විශාල මුදලක් වැය වන අතර ඊට සමගාමමීව ගුවන් යානයේ බර ද ඉතා අවාසි සහගත ලෙස වැඩි වෙයි. එම නිසා විශේෂ වූ කාරණයකට හැරුණු කොට ගුවන් සමාගම් හැකි තරම් අඩු තීන්ත ප්‍රමාණයක් භාවිතා කිරීමට යොමු වී ඇත. උදාහරණයක් ලෙස මුළුමනින්ම පින්තාරු කර ඇති B 747 ගුවන් යානයක තීන්ත වල බර 250 kg පමණ වන අතර අවශ්‍ය ස්ථාන වල පමණක් වර්ණ පින්තාරු කිරීමෙන් හා තුනී වායුගතික තින්තක් භාවිතා කිරීමෙන් තීන්ත වල බර 25 kg ක් දක්වා අවම කර ගත හැක. මෙම බර අඩු වීම නිසා ඉන්ධන විශාල ප්‍රමාණයක් ඉතිරි කර ගත හැක.

මෙලෙස සුදු වර්ණ ගැන්වීමට හේතු වන තවත් වැදගත් කාරණයක් වන්නේ ගුවන් යානා පෘෂ්ඨයේ ඇති ඉරි තැලීම්,කඩතොලු,පළුදු වීම්,විඛාදනයන් මෙන්ම නැතිවුණු ඇණ පහසුවෙන් හදුනාගත හැකි නිසයි. ගුවන් යානය යම් අනතුරකට ලක් වී පොළොව මතට හෝ ජලය මතට කඩා වැටී ඇති විට ගුවනේ සිට නිරීක්ෂණය කිරීමේදී සුදු වර්ණය ඉතා පහසුවෙන් නිරීක්ෂණය වීමද අමතර වාසියකි.

සුදු පසුබිමක ඇති ඕනෑම දෙයක් ඉතා හොදින් නිරීක්ෂණය වන නිසා ගුවන් සමාගම් වල නාමය සහ ලාංඡනය සුදු පසුබිමක පින්තාරු කර ඇති විට ඉතා හොදින් දර්ශනය වෙයි. ගුවන් සමාගමේ නාමය ප්‍රචලිත කිරීමට මෙය විශාල පිටිවහලක් වෙයි. ගුවන් යානයක් විකිණීමේදී එහි ආලේප කර ඇති වර්ණය මත එහි වටිනාකම සැලකිය යුතු මට්ටමකින් වෙනස් වෙයි. මෙලෙස සුදු වර්ණය ආලේප කර ඇති ගුවන් යානා වලට වැඩි වටිනාකමක් හිමි වන අතර විවිධ වර්ණයන්ගෙන් සමන්විත ගුවන් යානා වලට තරමක අඩු අගයක් හිමි වෙයි.

තොරතොරු Planes Facebook පිටුවෙනි.